bobokalon

1. Boboning otasi, katta bobo (evaraga nisbatan).

1. Manavi madrasada bobokalonimiz mudarris boʻlganlar. M. M. Doʻst, Lolazor

2. Qishloqning eng badavlat, eng moʻtabar kishisi boʻlgan Maxsumning bobokaloni Gʻoyib otani Hazrati sultonning muridi boʻlgan degan naql bor. S. Anorboyev, Oqsoy

2. (faqat koʻplik shaklida) Oʻtmish ota-bobolar, ajdodlar.

1. Bobokalonlarimiz doʻstlikni tiriklik suvi deganlar. Gazetadan

2. Bobokalonlarimiz yetti xazinaning biriga sigirni ham qoʻshganlar. Gazetadan

3. koʻchma Ulkan vakil, ulkan siymo, asoschi.

1. Yodgor baxshi usta Qulay oʻgʻli Qoʻrgʻon dostonchilik maktabining bobokalonidir. Guliston

2. Sadriddin Ayniy tojik va oʻzbek adabiyotlarining bobokalon arbobi sifatida tanildi. Gazetadan