gap

Bular gap bilan boʻlib, xiyla orqada qolib ketishdi. A. Qahhor, Xotinlar

Gap bu yoqda ekan-da! Halitdan yigitlarga salom xat yozishga uyalmagan zumrasha!

Gap bunday, qani yaqinroq oʻtir-chi. X. Toʻxtaboyev, Shirin qovunlar mamlakati

Karimga gap yoʻq, u oʻz ishining ustasi

Nima qilasiz gap kovlab! Undan keyin, bu gaplar ham oraga sovuqchilik solsa solar-ku, lekin mening kolxozga kirish niyatim sovuqchilikni allaqachon solib qoʻygan. A. Qahhor, Qoʻshchinor chiroqlari

Endi paxtani nimaga kuzda sotmay, yozda sotayotganiga kelsak, buning tagida gap koʻp. M. Ismoiliy, Fargʻona tong otguncha

Toʻgʻri, sizning gap koʻtara olmasligingizni bilaman. Lekin, nima qilay, gap kelganda, otamni ham ayamaydigan odatim bor. Mushtum

Men, albatta, ishonmadim. Rost boʻlgan taqdirda ham hi-hi bu gap oramizda qolsin A. Qahhor, Hi-hi

— Horunbek, inim, siz nima deysiz? — gap qotdi meʼmor. Mirmuhsin, Meʼmor

Sharof Rashidovich Otamurod bilan soʻrashgach, ipak paxta yetishtirish istiqbollaridan gap ochdi. Oʻzbekiston qoʻriqlari

Iftorni qilib chiqqan Mahmud Tohirga darvoza oldida uchradi. Robiyaning akasi boʻlgan bu kosib yigit Andijon qoʻrgʻoniga ketishdan gap ochgan edi: — E, bu niyatlar hammasi puchga chiqdi! — deb Tohir unga togʻasidan eshitganlarini aytib berdi. P. Qodirov, Yulduzli tunlar

Bir jangchi hozirgina roʻy bergan shovqin-suron toʻgʻrisida gap sotarkan, u ovqatini bemalol yeb, oʻrnidan turgach, etigining qoʻnji qonga toʻlganini payqadi. Oybek, Quyosh qoraymas

Yoʻq, Sofya Borisovna, siz sabr qiling, men taxminan fahmlayapman, gap tagida gap bor [dedi Ergash]. A. Muxtor, Opa-singillar

Mana shunaqa gap talashib qolishsa, iljayib turib, bir-birini gap bilan savalab ketishadi. S. Siyoyev, Yorugʻlik

Chavandoz gap tamom! degan maʼnoda qamchisini qoʻliga oldi. O. Yoqubov, Er boshiga ish tushsa

Gap tamom. Boshqa savolga oʻrin qolmadi. X. Toʻxtaboyev, Shirin qovunlar mamlakati

— Qani Ha, undan keyin, oʻrtoqlar, — deb yana izoh berdi Alimqul, — qoʻl qoʻyish masalasida menga yuqoridan ham, pastdan ham bir oz gap tegib qolayotibdi P. Tursun, Oʻqituvchi

Uning [Yoʻlchining] axloq-sizligi toʻgʻrisida [Salimboyvachcha] birmuncha gaplar toʻqidi. Oybek, Tanlangan asarlar

— Gap unda emas, — dedi hoji, — umr, murosa degan gaplar bor A. Qodiriy, Oʻtgan kunlar

— Lekin gap shu yerda qolsin, durustmi? — ellikboshi qorongʻi koʻchaga chiqdi. Oybek, Tanlangan asarlar

— Siz mening koʻnglimni bilmaysiz, Oʻrmonjon aka. — Koʻnglingni bilib qolarmiz. Kolxoz nima ekanligini sen ham bilib olarsan. Gap shu: hech qayoqqa bormaysan. A. Qahhor, Qoʻshchinor chiroqlari

Seni deb oʻqituvchidan men gap eshitdim.

Shu qiy-chuv ichida Mirzakarimboy bilan xotini oʻrtasida bir oz achchiq-tiziq gap oʻtdi. Oybek, Tanlangan asarlar

Gap qaytarganingiz uchun yana besh kun qoʻshaman. Yigirma kun ishlab berganingizdan keyin kelasiz. X. Toʻxtaboyev, Shirin qovunlar mamlakati

Boshlariga hech tushmasa mojaro, Hamma joyda gap qilmasa fuqaro. H. Olimjon

— Tagʻin odamlar buni ham gap qilib yurishmasin! — dedi Tojiboy. P. Tursun, Oʻqituvchi

— Sizni Ziyodaxon bilan gap qildim, — dedi Qori Oʻrmonjonga. A. Qahhor, Qoʻshchinor chiroqlari

— Roʻzimat uka, yaxshi, gapingga yana bitta gapni qistirib oʻtgin — dedi Qambarali aka. A. Qahhor, Qoʻshchinor chiroqlari

— Abdishukurni xudo gapga bichgan, yengib boʻlmaydi, — dedi Jamolboy pixillab. Oybek, Tanlangan asarlar

Hazratqul yuvosh, nima desa, gapga kiradigan boladan bunaqa gap chiqishini sira oʻylamagan edi, gangib qoldi. S. Ahmad, Yulduz

Ahmoqni urma, soʻkma, gapga sol. Maqol

Oʻtgan-ketgan kampirlarning qoʻliga choy tutqazib, gapga soladi. Mushtum

[ Kampir] Kelinlarni oʻsmoqchilab gapga solar, eshitganlarini eriga soʻzlar, chol esa darrov Qoratoyga yetkazar edi. Oybek, Tanlangan asarlar

Obbo siz-ey Xoʻp gapga toʻn kiygizasiz-da N. Safarov.

Gapdan gap chiqadi, deganlaridek, nonushta paytida bek toʻsatdan meʼmorga murojaat etib, bu yerda biron oy qolish iloji yoʻqmikan, muhim bir iltimos, uzrimiz bor edi, dedi. Mirmuhsin, Meʼmor

Gapdan gap chiqib, odamzodning pastkashi qanaqa boʻlishiga borib taqaldi. S. Ahmad.

Uning gapi ogʻzida qoldi, koʻzlari xiyol kengayib, nim ochiq labi titradi. P. Qodirov, Uch ildiz

Yoʻq, haligi gapim gap. X. Toʻxtaboyev, Shirin qovunlar mamlakati

Shaddod, gapini birovga bermaydigan, erkakshoda Asrora zvenoga boshliq edi. S. Ahmad, Ufq

Inoyat oqsoqol yoshligidan bir gapini ikki qilmagan qizini bunaqa xarjlardan tiyolmasdi. S. Ahmad, Ufq

Sohib qori yana poʻpisa qildi: — Gapimni ikkita qilsang, senday qizim yoʻq! Bilib qoʻy shuni. I. Rahim, Chin muhabbat

— Yoʻq, men hammasi demoqchi emasman, baʼzi birlari, — dedi Boʻtaboy aka va gapini yoʻqotib qoʻydi. A. Qahhor, Qoʻshchinor chiroqlari

[Qosim:] Tezroq oʻzim borib, tergovchining gapini olay, falokat bosib, ishning misi chiqib qolmasin. Mushtum

Kampirdan boshqa ortiqcha gap ololmagach, u [qoʻshni xotin] ingichka boʻlib, burilib chiqib ketdi. Mirmuhsin, Umid

— Bizlar bilan koʻlga ovga chiqinglar, — dedi u Japaqning gapini ogʻzidan olib. A. Muxtor, Qoraqalpoq qissasi

Alimardon hammasi tamom boʻlganini yanada chuqurroq his etdi. Gapni aylantirib oʻtirishdan foyda yoʻqligini bilib, koʻnglidagi bor gapni aytdi. Oʻ. Hoshimov, Qalbingga quloq sol

Ikromjon gapni boshqa yoqqa burvordi. S. Ahmad, Ufq

— Gapni boshqa yoqqa burmoqchisiz-a, xap siznimi! Xotinlardek hiylakori boʻlmas ekan dunyoda, — deb uni gapga solmoqchi boʻldim. Oydin, Hikoyalar

Hikmatilla yana gapga kirishgan edi, Zoyirjonning yonida oʻtirgan Nargiza oʻrnidan turib ketdi. Oppoq yuzi jahldan qizarib, tez-tez gapirib tashladi: — Nega birovning gapini boʻgʻasiz. Oʻ. Hoshimov, Qalbingga quloq sol

Nuri bu yigit toʻgʻrisida koʻproq narsa bilishni istash bilan baravar, bu qizning unga munosabatini ochish kabi yashirin bir niyat bilan gapni chuvaladi. Oybek, Tanlangan asarlar

Buvnisa xola, Saltanat Mahkam akalarnikiga kirib ketgandan soʻng, gapning magʻzini chaqdi. R. Fayziy, Sen yetim emassan

Lekin, gapning ochigʻi, Karimovning ham ahvoli parishonroq edi. Mushtum

Gapning ochigʻi, mana shu hovli seniki. U. Ismoilov, Saylanma

Gapning poʻst kallasi, doʻsting Xoʻjaqul ham Hamroqul Tursunqulov boʻlishni bir orzu qilgan edi-da, ogʻayni. O. Yoqubov, Uchrashuv

— Ana shunaqa gaplar, Sidiqjon, shunaqa gaplar. Yigirma birni bir qilishimiz kerak, bir! — dedi va oʻrnidan turdi. A. Qahhor, Qoʻshchinor chiroqlari

Izlanishlarim shunga kelib taqaldi, demak, mixda bir gap bor. Fan va turmush

— Bunda bir gap bor, — dedi Olga Petrovna, kursidan turib. M. Ismoiliy, Fargʻona tong otguncha

Qani, turlaring, lapashanglar, qorinni toʻygʻazib olaylik, keyin bir gap boʻlar. O. Yoqubov, Er boshiga ish tushsa

Masalan, besh hoʻkizdan bir qoʻshni, bogʻli yerlarning yarmini oʻgʻliga ajratsa, uning yuki ancha kamayadi. Objuvoz boʻlsa, mayli, bir gap boʻlar. P. Tursun, Oʻqituvchi

Mansur Muslim! Senga bir gap boʻldimi? shunday vaqtda ish koʻrsatmasak, qachon koʻrsatamiz?! N. Safarov, Tanlangan asarlar

Bu kampirning ustidan qayoqqa dod deb boraman, biron joyda ishlasa, boshqa gap edi. Mushtum

Chal boshini burib, nosini tufladi, soʻngra tamshanib turib, ishonch bilan dedi: — Bu bor gap! P. Tursun, Oʻqituvchi

— Nizomiddinov, — dedi rais oʻrnidan turib, — siz odamlarning vaqtini olayotirsiz axir. Boʻladigan gapni gapiring! A. Qahhor, Qoʻshchinor chiroqlari

— Riyoziyot boʻlmagan gap, oʻzini bilgan kimsa bunaqa ishlar bilan boshini qotirib yurmay, harb-u zarbni mashq qilgani maʼqul, — dedi [Ibrohim Sulton]. Mirmuhsin, Meʼmor

Boʻladigan gap shuki, kambagʻallar majlis qilib, sizning xoʻjaligingizni tugatishga, oʻzingizni Kapsanchilar qishlogʻidan badargʻa qilishga qoʻl koʻtarishdi. A. Qahhor, Qoʻshchinor chiroqlari

Kunlardan bir kuni mahallada duv-duv gap boʻlib qoldi: Muxtorxon domla uylanarmishlar! A. Qahhor, Toʻyda aza

Buvim ham, bolalar ham ikki gapning birida “kal“, Hojikal, deb kamsitishadi [dedi Said]. E. Raimov, Ajab qishloq

Ikki gapning birida peshonasiga urib, goh boʻgʻilib va goh qotib-qotib kulib, odamlarni kuldirib hikoya qildi. A. Qahhor, Ming bir jon

Mezbonlar dilsiyohlik kayfiyatini yashirishga urinishdi, ammo yotar mahaligacha bu bir necha martaba yuzaga chiqdi va, oqibat, mehmonning koʻngliga boʻlak gaplar kelmasin uchun, ikki orada oʻtgan gapni aytishga majbur boʻlishdi. A. Qahhor, Mirzo

Qani, shulardan birini anhor boʻyiga tashlab, barcha mayda gaplarni unutib, koʻngilga yaqin chor ulfating bilan otamlashsang. Guldasta

Qishloqlarda nima gaplar bor ekan? Bir suhbat qil. Asta-sekin soʻra sen. H. Olimjon

U allaqanday ofatni his qilib, xatga koʻz yugurtirdi. Sunnat: Meni armiyaga olishdi. Uch yilgacha nima gap-u nima soʻz, yoʻlingiz ochiq, erga tegib ketavering. Hozir eski zamon emas, bunaqa narsalarning unchalik ahamiyati yoʻq, degan mazmunda yozibdi. Oʻ. Hoshimov, Qalbingga quloq sol

— Menimcha, uylanishdek nozik bir ish dunyoda yoʻqdir, — dedi Rahmat va Otabekka yuz oʻgirdi: —Uylangan xotining taʼbingga muvofiq kelsa, bu juda yaxshi, yoʻqsa, munchalik ogʻir gap dunyoda boʻlmas. A. Qodiriy, Oʻtgan kunlar

Biroq doktor uni [Sidiqjonni] qoʻl uchidagina koʻrdi, dori bermadi, tayinli bir gap ham aytmadi. A. Qahhor, Qoʻshchinor chiroqlari

Fursat boy berildimi, ishning keyin ketishi turgan gap. N. Safarov, Jasoratning davomi

Ertaga, turgan gap, dalaga odam chiqmaydi. A. Qahhor, Qoʻshchinor chiroqlari

Lekin kuzda, podani koʻchirib qishloqqa tushganimizda, Sayfidan xunuk bir gapni eshitdim. S. Siyoyev, Yorugʻlik

Gap oʻrgatmoqchi emasman, oʻzlaridan qolar gap yoʻq. A. Muxtor, Opa-singillar

Bu ish kechasi boʻlgani maʼqul. Kunduzi boʻlsa, oʻzingizdan oʻtar gap yoʻq, xunukroq koʻrinadi. A. Qahhor, Qoʻshchinor chiroqlari

Qurbon ota Oʻrmon.jonning yoniga choʻkka tushib: — Oʻrmonjon, oʻgʻlim, bola bechoraga bir yordam qilgin, oʻtgan gapga salavot, — dedi. A. Qahhor, Qoʻshchinor chiroqlari

— Ha balli! Mana bunisi oʻgʻil bola gap boʻldi, — dedi chol zavqlanib. O. Yoqubov, Qahramon izlab

Bizning oramizda hech gap yoʻq, qasam ichaman. Hech gap yoʻq! Hech gap boʻlmaganidan keyin rashk ham boʻlmaydi. A. Qahhor, Qoʻshchinor chiroqlari

Qurbon ota boshlab bersalar, u yogʻi hech gap emas. A. Qahhor, Qoʻshchinor chiroqlari

Yosh olimning [Beruniyning] musofirchilikda boshidan kechirgan kulfatlari bu tashvishlar oldida hech gap emasdi. M. Osim, Jayxun ustida bulutlar

Qoʻshnilarga yordam berish siz uchun hech gap emas. Sh. Rashidov, Boʻrondan kuchli

Yana bir haftadan keyin Salim akam gap berarmishlar. Oybek, Tanlangan asarlar

Qishning uzun kunlari bu yerda ulfatlar gap yeyishadi. P. Tursun, Oʻqituvchi