Izoh.uz saytida ich so‘zining izohi va ma’nolari

ich

ot

1. zid. Ichki boʻshliq; tash.

  1. Chodirning ichi. Ogʻizning ichi.

  2. Oftob bilan toʻlgan keng derazali uyning ichi oydin. S. Ayniy, Qullar

2. zid. Narsalarning buyum eltadigan qismi; sirt.

  1. Ariqning ichi. Qopning ichi. Bosh yorilsa, boʻrk ichida. Maqol

  2. Sumkasini titkilab, ichidan ikki-uch xil dori oldi, ularni usta Bahromga berib, qachon, qanday ichishni tayinladi. M. Ismoiliy, Fargʻona tong otguncha

3. Narsaning ichki qismi, orasi.

  1. Nonning ichi. Xamirning ichi. Tarvuzning ichi. Ichi qurtlagan olma. Qopdagi bugʻdoyning ichi.

4. Oshqozon, qorin, meʼda.

  1. Koʻzing ogʻrisa — qoʻlingni tiy, iching ogʻrisa — nafsingni tiy. Maqol

  2. Jonfigʻon byulleten olgani doktorning oldiga chilimning suvini ichib, lohas boʻlib kirgan ekan, doktor ichini chayqabdi. A. Qahhor, Jonfigʻon

5. koʻchma Kishining ichki, ruhiy dunyosi; koʻngil, yurak, dil, qalb.

  1. Ota ichidan oʻtganini oʻzi biladi. A. Muxtor, Opa-singillar

  2. — Toʻgʻri, Oʻktam menga yoqadi. Biroq hammadan burun odamning ichi kerak, — dedi Komila. Oybek, Oltin vodiydan shabadalar

  3. Elmurod uning harakatlariga beixtiyor razm solib oʻtirdi. Nazarida, soqoli xiyla oqarib qolgan bu odamning vajohati zaharli, ichini qandaydir alam oʻrtagan koʻrindi. P. Tursun, Oʻqituvchi

6. Egalik va makon kelishiklari shaklida (ichiga, ichida, ichidan) koʻm. vzf.

  1. Hafta ichida. Uy ichidan gʻalati ovoz eshitildi.

ich soʻzi qatnashgan jumlalar:

Ichi achimoq (yoki kuymoq)

Xafa boʻlmoq; achinib kuymoq.
  1. Elchiyevning, qiziga ichi achirdi. E. Aʼzamov, Javob

  2. Yonverida ularning munozarasini choʻchibroq kuzatib turgan dehqonlarning yuzida Avazga xayrixohlik koʻrib, ichi kuydi, battar gʻijindi. S. Siyoyev, Yorugʻlik

Ichi pishmoq (yoki qizimoq)

1. Zerikmoq.
  1. Uyda oʻtiraverib, ichim pishdi;

2. Toqati toq boʻlmoq.
  1. Baʼzi birovlar ichi pishib, goh yoʻlga qarashadi, goh toqqa chiqib qilinadigan ishlarni oʻzlaricha choʻtlashadi. M. Ismoiliy, Fargʻona tong otguncha

Ich-ichidan

Yurakdan, qalbdan, chin dildan.
  1. Ich-ichidan sevinmoq. Ich-ichidan tahsin oʻqimoq.

  2. Ularni kuzatib oʻtirgan Sunbulxon aya ich-ichidan quvonardi. Mirmuhsin, Umid

  3. Asror esa ich-ichidan gʻijinib, asabiylashardi. Yoshlik

Ichi qora

Dili buzuq, birovning baxt-quvonchini koʻrolmaydigan; hasadgoʻy.
  1. Yaxshi, oʻsha Homidni sen qanday odam, deb oʻylaysan? [deb soʻradi Yusufbek hoji]. — Qoʻlansa soʻzli, ichi qoraroq bir yigit edi, — dedi Hasanali. A. Qodiriy, Oʻtgan kunlar

Ich(i) ga yutmoq

Oshkor etmaslik, oʻzida saqlamoq (gap, soʻz va shu kabilarni).
  1. Azizim, ey jafokash xalq, bardoshingga ming tahsin, Chiqarmay ichga yutding, koʻzdagi yoshingga ming tahsin. Voqif.

Ichidan pishgan

Sirini hech kimga bildirmaydigan, oʻz ishiga pishiq; quv.
  1. Uning harakati va tovlanishidan ichidan pishgan, uddaburo ekani darrov sezildi. Shuhrat, Shinelli yillar

Ichini boʻshatmoq

Koʻnglidagini aytib, ruhan yengillanib olmoq.
  1. Uning gapirmaganiga Juman alamda qoldi Achchiq haqiqatni yuziga solib, roʻy-rost soʻka qolmaydimi? Qizigʻida Juman ham ichini boʻshatib olardi. A. Muxtor, Tugʻilish

Ichini mushuk (yoki it) tatalamoq (yoki tirnamoq)

Ruhan bezovtalanmoq; koʻngli notinch, gʻash, bezovta boʻlmoq.
  1. Bu payt Saidgʻozida ham Xoʻjabekovga achingudek hol qolmagandi: ichini mushuk tatalardi. Ammo sirini boy bermadi. S. Anorboyev, Oqsoy

Uy ichi

Oila aʼzolari; oila, xonadon.
  1. Uy ichingiz omonlik, bir gap boʻlsa, Oʻtar bobom xabar berar ekan. S. Siyoyev, Yorugʻlik

  2. Qancha mehnat, qancha mashaqqat! Yolgʻiz oʻzi emas, butun uy ichi bilan ishlagan, albatta. Oybek, Tanlangan asarlar


ICH so‘zining sinonimlarini Sinonim.uz saytida qidirib ko‘ring.

ИЧ so‘zining kirillcha yozilishi Lotin.uz sayti tomonidan taqdim qilingan.

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.
Saytdagi o‘rni
2724
So‘zning teskari yozilishi
hci
Harflar soni
3
Ko‘rishlar soni
39

ich so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

ich so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, ich so‘zini lotin va kirill alifbosida to‘g‘ri va o‘z o‘rnida ishlata olasiz.

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida

Loyihalarimiz

TVinfo.uz — Bugun, ertaga va keyingi hafta uchun to‘liq teledasturlar.

TVinfo.uz — Телепрограмма на сегодня, завтра и ближайшую неделю.

tvinfo.uz

O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.

Полный смысл, происхождение, формы узбекских имён. Узнайте смысл своего имени и имён близких.

ismlar.com

DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.

DostavkaInfo — Каталог сервисов, предлагающих доставку еды, лекарств, книг и товаров для дома.

dostavkainfo.uz

Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.

Lotin.uz — поможет транслитерировать с узбекской кириллицы на латиницу и обратно. Легко!

lotin.uz

Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).

Самая большая коллекция пословиц и поговорок на трёх языках (узбекский, русский, английский).

maqollar.uz

Har kuni eng sara latifalar va kulguli rasmlar. O‘zbek tilidagi kulgu markazi!

Ежедневно только отборные анекдоты, смешные картинки. Кузница юмора на узбекском языке!

latifa.uz

Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.

Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.

onmap.uz

O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.

Самый большой каталог телеграм каналов в Узбекистане. Только активные каналы по категориям и с подробной статистикой.

uztelegram.com

O‘zbek tilida savodli yozishni biz bilan boshlang.

С нами вы научитесь грамотно писать на узбекском языке.

sarlavha.com

O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.

Словарь синонимов узбекского языка на нашем сайте содержит более 3300 слов и 900 синонимов.

sinonim.uz
Izoh.uz saytining bazasida jami 35 853 ta so‘z bor
© Izoh.uz — O‘zbek tilining izohli lug‘ati, 2014–2024
Obuna va GoodGroup loyihasi. 18+