ko‘kla

so‘zlashuv tili Amal olmoq, oʻsib rivojlanmoq (oʻsimlik haqida).

1. Gʻoʻzalar koʻklashidan to shu damga qadar undan koʻz uzmagan dehqon oʻz mehnatining moʻjizasiga oʻzi xursand boqadi. Gazetadan

2. Oppoqshoʻr bosgan yer oʻrtasida onda-sonda koʻklagan bedapoyalar koʻzga chalinadi. Oʻzbekiston qoʻriqlari

Yirik-yirik qilib, naridan-beri (vaqtincha) tikib, chatib qoʻymoq.

1. Mashinachi koʻylakni koʻklab qoʻydi.

2. — Ish joʻnashib ketdi. Hash-pash deguncha kafanni ham koʻkladik. Oʻlikning ochiq badani mumkin qadar koʻzdan yashiringan edi, — dedi Shum bola. Gʻ. Gʻulom, Shum bola

3. Poʻla-toy kostyum yenglarini igna bilan koʻklab berar edi. Koʻklagan yenglarni oʻtkazish ishlarining talay qismi ham igna bilan bajarilardi. P. Qodirov, Yangilik oshigʻi