organ

1. Odam, hayvon, oʻsimlik va umuman, jonli organizmlarning maʼlum bir vazifalarni bajaradigan qismi; aʼzo.

1. Sezgi organlari. Eshitish organi.

2. Hayotning muayyan bir sohasida belgili vazifalarni bajaruvchi muassasa, tashkilot.

1. Organ xodimlariga Begmatovning yashirinmay, ochiqchasiga bemalol yurishi yoqmas edi. Yoshlik

2. Bu qarorga binoan, OAK Oliy va oʻrta taʼlim vazirligi qaramogʻidan olinib, Vazirlar Mahkamasining organiga aylantirildi. Fan va turmush

3. Biror partiya, tashkilot yoki muassasa tomonidan nashr qilinadigan va shu tashkilotning qarashlarini aks ettiradigan vaqtli matbuot.

1. Sharq yulduzi jurnali — Oʻzbekiston Yozuvchilar uyushmasining organidir.

4. tex. Mexanizm va mashinalarning maʼlum vazifani bajaradigan murakkab mustaqil qismi.

1. Traktorning boshqarish organi.

2. Robotning ishchi organi — harakat qiluvchi va yumush bajaruvchi mexanik qoʻli odamning qoʻliga oʻxshaydi. Fan va turmush