Izoh.uz saytida pay so‘zining izohi va ma’nolari

pay

So‘zni do‘stlar
bilan ulashing

pay (I)
pay (II)
pay (III)
pay (IV)

1. anat. Tana mushaklarini suyakka biriktirib turuvchi mustahkam, elastik toʻqima.

Soʻyilgan qoʻyni payidan osmoq.
Otaqoʻzining koʻzlari qisilib, jagʻ paylari turtib chiqdi. O. Yoqubov, Diyonat
Ya na har qanday goʻshtda pay, chochoʻsar, togʻay kabi biriktiruvchi toʻqimalar boʻladi. K. Mahmudov, Oʻzbek tansiq taomlari

2. sifatdosh Koʻchma Mehnatda pishgan, chayir.

U qop-qora, qotma, vujudi pay bir yigit boʻlib, aftidan yoshini chamalash qiyin edi. A. Qahhor, Qoʻshchinor chiroqlari
Zabardast, pahlavon, koʻrkam, kelishgan, Vujudi pay, chayir, mehnatda pishgan. Habibiy

3. eskirgan Oyoq, qadam.

Bu yangligʻ muddate yoʻl qildilar tay, Ki Arman kishvarigʻa qoʻydilar pay. A. Navoiy.

pay soʻzi qatnashgan jumlalar:

Payini qirqmoq

Mavqeyidan mahrum etadigan zarba yetkazmoq.

Hozir esa onasining qornidan kecha tushgan tirranchalar ham nuqul kattalarning payini qirqish, koʻpchilik oldida obroʻsizlantirishni oʻylaydi. D. Nuriy, Osmon ustuni
— Qiziq odamlar, — dedi u yana, — bir-birini koʻrolmaydi: oʻzidan chiqqan yoqmaydi, yuqoridan kelganni sigʻdirmaydi Davronovning ham payini qirqishdi. I. Rahim, Ixlos

(asosan oʻ.p. va j.k. shaklida) Biror maqsadni amalga oshirish yoʻlidagi astoydil harakat, urinish, qasd.

Xoldor ishga kirish payida uch-toʻrt joyga uchradi. I. Rahim, Zangori kema kapitani
U [Qoʻziboy] choʻqqiga chiqib Toshbuloqni topishda ham birinchi boʻlish payida edi. H. Nazir, Soʻnmas chaqmoqlar

pay soʻzi qatnashgan jumlalar:

Payiga tushmoq

1. aynan Payida(n) boʻlmoq.

Bilim olish payiga tushmoq. Pul topish payiga tushmoq.
Qori oʻylab-oʻylab, sher yozib, pul topishning payiga tushadi. S. Ahmad, Saylanma
Oqsoqol Gʻiyosiddinni kuyov qilish payiga tushib, tez-tez uyiga chaqiradigan boʻldi. S. Ahmad, Hukm

2. Iziga tushmoq, iz quvmoq.

— Militsiya payimizga tushganga oʻxshaydi, — dedi shofyor orqaga alanglab. Yo. Shukurov, Uch savol

Payida(n) boʻlmoq

Biror maqsadni koʻzlamoq, biror maqsad yoʻlida astoydil harakat qilmoq, urinmoq.

Oʻqishning payida boʻling, bolalar.
Hunarni oʻrganish payidan boʻlgin, bolam [dedi kampir Saidaga]. E. Raimov, Ajab qishloq
Sen ham axir qarab turmasdan, boshqacharoq yoʻl bilan boʻlsa ham, tirikchilikning payida boʻlsang, oʻgʻlim. Gʻ. Gʻulom, Tanlangan asarlar

Payida yurmoq

Biror maqsad bilan ketiga tushib, payt poylab yurmoq.

U bir narsaning payida yuribdi.
Abdujabborxoʻja pulni koʻrganda, rahm-shafqatni unutib qoʻyadigan, gʻayratli, boʻshbayov odamlarni ishlatib, boylik orttirish payida yurgan kishilardan edi. M. Osim, Tilsiz guvoh

pay soʻzi qatnashgan jumlalar:

Pay urmoq

Yerga yoyib terib qoʻymoq (uzum, qovun, tarvuz, olma, nok va shu kabilar haqida)

Uzumlarni pay urmoq.

iqt. Biror shirkat, aksiyadorlar jamiyati ishida qatnashish uchun qoʻshiladigan hissa, ulush.

Pay puli. Pay qoʻshmoq.
koʻplab aksiyadorlar oʻzlarining sotib olgan aksiya va paylari evaziga dividend, yaʼni daromad olishlari kerak. Gazetadan
Pay boʻyicha ham uning egasi, qoʻlidagi pay miqdoriga qarab, umumiy daromaddan oʻz ulushini oladi. Gazetadan

PAY so‘zining sinonimlarini Sinonim.uz saytida qidirib ko‘ring.

ПАЙ so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

3359

So‘zning teskari yozilishi

yap

Harflar soni

Ko‘rishlar soni

1132

pay so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

abadiylik Boltiqbo‘yi Mars abadiy abzalla Saturn Neptun absolyutizm aʼlo

pay so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, pay so‘zini lotin va kirill alifbosida to‘g‘ri va o‘z o‘rnida ishlata olasiz.