qo‘shni

1. ot Uylari, hovli-joylari yonma-yon yoki yaqin boʻlgan kishilar, oilalar, xonadonlar (bir-biriga nisbatan).

1. Yaqin qoʻshni. Yon qoʻshni. Hovli olma, qoʻshni ol. Maqol

2. Gilam sotsang, qoʻshningga sot, bir chekkasida oʻzing oʻtirasan! Maqol

3. [Qosimjonning] Oyisi qoʻshni bilan gaplashib turardi. Oʻ. Umarbekov, Ona

4. Bir qarichlikdan dutorni sevaman, bir qoʻshni kelinchakdan oʻrgangan edim. Oybek, Tanlangan asarlar

5. [Otabek] Guzarga chiqqanda, Hasanalining qoʻshnisi boʻlgan Ali erinibgina doʻkon taxtasini tushirmoqda edi. A. Qodiriy, Oʻtgan kunlar

2. Ish joyi, joylashish oʻrni yonma-yon yoki yaqin boʻlgan kishilar (bir-biriga nisbatan).

1. Qiz soʻragan kursant, haqiqatda, El-murodga qoʻshni, ikkinchi vzvodda oʻqir edi. Shuhrat, Shinelli yillar

2. Hayron boʻlib, suvdonga tikildi. U kovak edi — oʻq teshib oʻtibdi, uni uloqtirdi-da, qoʻshnisidan, sersoqol rusdan suv tiladi. Oybek, Quyosh qoraymas

3. sifatdosh Yonma-yon turgan, joylashgan, bir-biriga yaqin, chegaradosh.

1. Qoʻshni brigada. Qoʻshni mahalla. Qoʻshni qishloq. Qoʻshni mamlakatlar.

2. Yigit yalt etib qoʻshni dalaga qaradi. U yerda xotin-xalajlar, bola-chaqalar chuvullashib, paxta terishayotgan edi. M. Ismoiliy, Fargʻona tong otguncha

qo‘shni soʻzi qatnashgan jumlalar: