rosa

1. Bekam-u koʻst, toʻliq, toʻla.

1. Zarhal koʻrinar soxta, Rosa bilib, soʻng maqta. Maqol

2. Jangchilar koʻzlarini rosa ochmasdan, miltiqlariga yopishdilar. Oybek, Quyosh qoraymas

2. Tugal, toʻla, toʻliq; toʻppa-toʻgʻri.

1. Olaxoʻjaboyning hovlisiga qadam bosmaganimga rosa yigirma yil boʻldi. P. Tursun, Oʻqituvchi

2. [Dilbar:] Uygʻotaymikan? Yoʻq, picha uxlab orom olsin, rosa bir oy boʻldiki, ot ustidan tushmaydi. K. Yashin, Pyesalar

3. Nihoyat darajada, nihoyatda, juda.

1. Rosa charchadim.

4. Toʻyguncha, miriqib.

1. Rosa oʻynadik.

2. Mavlon mingboshi tasodifan loyga sirgʻanib yiqildi. Kishilar rosa kulishdi. T. Obidov, Yusufjon qiziq