sezil

1. Sezmoq feʼlining majhul nisbati.

1. Zilzila yuqori qavatlarda kuchliroq seziladi.

2. Qumda ketayotgan kishiga ninaning ogʻirligi ham seziladi. J. Sharipov, Xorazm

2. Aks etmoq, koʻrinmoq, bilinmoq, namoyon boʻlmoq.

1. Hayot oʻchoq yonidagi shoxlarni goh oyogʻi bilan bosib, goh tizzasiga urib sindiradi, uning shoshqin harakatlaridan hayajonlanayotgani sezilib turardi. M. Ismoiliy, Fargʻona tong otguncha

2. Boburning Samarqandga yana yurish qilishi qatʼiy ekani uning gap ohangidan sezildi. P. Qodirov, Yulduzli tunlar

3. Tuyulmoq, oʻxshamoq.

1. Sodiqning javobi uning ustidagi yukni tagʻin ham ogʻirlashtirgandek sezilib, u boshini quyiga engashtirdi va chuvak soqolini tuzatib, fikrda qoldi. A. Qodiriy, Oʻtgan kunlar