soliq

1. Davlat tomonidan amaldagi qonunlar asosida yuridik va jismoniy shaxslarning daromadi yoki mol-mulkidan undiriladigan va byudjetga oʻtkaziladigan majburiy toʻlov.

1. Mahalliy soliq. Daromad soligʻi. Soliq yigʻmoq. Soliq toʻlamoq.

2. Uning [Musulmonqulning] oʻz kayficha oyda emas, haftada solib turgan soliqlari fuqarolarning terisini shilsa ostirib, kestirib turishi xosni ham esankiratdi. A. Qodiriy, Oʻtgan kunlar

3. Soliq imtiyozlari berishning xilma-xil shakllari jahondagi koʻpgina mamlakatlarning soliq amaliyotida qoʻllanadi. OʻzME

2. Biror xarajatni qoplash, biror maʼraka-marosimni oʻtkazishga yordam berish maqsadida oʻzaro kelishib, koʻpchilikka (aso-san qarindoshlar va yaqin kishilarga) sochilgan, taqsimlangan toʻlov, yigʻim.

3. etn. Oliq-soliqdagi bitimga muvofiq, kuyov tomondan kelin tomonga berilishi lozim boʻlgan pul va narsalar.

Quyi solingan, osilgan, soligʻliq.

1. Uning [Dadamat akaning] qovogʻi soliq, koʻrinishidan jahldor odamga oʻxshardi. F. Musajonov, Himmat

2. Rangi quv oʻchib, behush kabi qotgan Ahmad Husayn boshi quyi soliq edi. Oybek, Nur qidirib