солиқ

1. Давлат томонидан амалдаги қонунлар асосида юридик ва жисмоний шахсларнинг даромади ёки мол-мулкидан ундириладиган ва бюджетга ўтказиладиган мажбурий тўлов.

1. Маҳаллий солиқ. Даромад солиғи. Солиқ йиғмоқ. Солиқ тўламоқ.

2. Унинг [Мусулмонқулнинг] ўз кайфича ойда эмас, ҳафтада солиб турган солиқлари фуқароларнинг терисини шилса остириб, кестириб туриши хосни ҳам эсанкиратди. А. Қодирий, Ўтган кунлар

3. Солиқ имтиёзлари беришнинг хилма-хил шакллари жаҳондаги кўпгина мамлакатларнинг солиқ амалиётида қўлланади. ЎзМE

2. Бирор харажатни қоплаш, бирор маърака-маросимни ўтказишга ёрдам бериш мақсадида ўзаро келишиб, кўпчиликка (асо-сан қариндошлар ва яқин кишиларга) сочилган, тақсимланган тўлов, йиғим.

3. этн. Олиқ-солиқдаги битимга мувофиқ, куёв томондан келин томонга берилиши лозим бўлган пул ва нарсалар.

Қуйи солинган, осилган, солиғлиқ.

1. Унинг [Дадамат аканинг] қовоғи солиқ, кўринишидан жаҳлдор одамга ўхшарди. Ф. Мусажонов, Ҳиммат

2. Ранги қув ўчиб, беҳуш каби қотган Аҳмад Ҳусайн боши қуйи солиқ эди. Ойбек, Нур қидириб