sug‘or

1. Ekin maydonlarini, oʻsimliklarni suv bilan taʼminlamoq, suv qoʻymoq.

1. Ekin sugʻormoq. Gʻoʻzalarni sugʻormoq. Yigʻlab-yigʻlab marza olsang, kulib-kulib sugʻorasan. Maqol

2. Eshikka yarim boʻyra eni oʻsma ekkan boʻlsalar, shuni ham obkashda suv tashib sugʻorishgan. S. Ahmad, Ufq

2. Suv bermoq, suv ichirmoq.

1. Qoʻylarni sugʻormoq. Tuyani choʻmich bilan sugʻorib boʻlmas. Maqol

2. Toshtemir quduqdan bir necha marta suv chiqarib, otlarni sugʻordi, oxurlarga beda soldi. H. Gʻulom, Feruza

3. koʻchma (bilan soʻzi ishtirokida) Singdirmoq.

1. Mehr, gʻamxoʻrlik bilan sugʻorilgan tarbiya, albatta, oʻz samarasini beradi. Gazetadan

4. tex. Toblamoq.

1. Poʻlatni sugʻormoq.