zang

1. maxs. Suvda yoki havoda oksidlanish tufayli metallar sirtida hosil boʻladigan va uni yemiradigan qizil-qoʻngʻir gʻovak qatlam, parda.

1. Temirchilar, zanglagan temirni oʻtga solsang, zangi toʻkiladi, deyishadi. X. Toʻxtaboyev, Felyetondan soʻng

2. Quruq yerga urilaverib zangi ketgan ketmonlar uzoqdan yalt-yalt etib koʻrinar, qoʻshiq, kulgi eshitilar edi. S. Yunusov, Kutilmagan xazina

2. q. x. Oʻsimliklarning parazit zamburugʻlarning sporalari rivojlangan joylarida (bargi, poyasi, qisman mevasida) paydo boʻladigan zargʻaldoq, qoʻngʻir dogʻdan iborat kasallik.

1. Zang zamburugʻlari. Zang kasalligi.

3. koʻchma Dogʻ, gʻubor; gʻam-alam, anduh.

1. Artib koʻngillar zangini, Qishni bahor ay-lab keling. S. Abdulla, Hayot gulshani

2. Davlat arboblari aql va adolatni shior qilsalar hayotning zangini oltinga aylantirmoq mumkin. Oybek, Navoiy

zang soʻzi qatnashgan jumlalar:

1. Qoʻngʻiroq; tovushli signal, xabar berish uchun ishlatiladigan metall buyum (masalan, rels parchasi).

1. [Oshpaz] Tut butogʻiga osilgan zangni qoʻlidagi tayogʻi bilan ura boshladi. M. Muhamedov, Qaxramon izidan

2. Shunday qoʻngʻiroq, signal yoki soat tovushi.

1. Devor soatning zangi.

2. Boboqul otaning zangi eshitilmaydigan boʻldi. H. Nazir, Soʻnmas chaqmoqlar

zang soʻzi qatnashgan jumlalar:

shv. Tok tanasining koʻp yillik yoʻgʻon qismi.

1. Uzum zanglari changal qoʻralar ustiga tirmashib chiqib, bizning husayni uzumimizni kuzda u hovlidan ham, bu hovlidan ham yeyish mumkin boʻlardi. U. Usmonov, Sirli sohil

2. Joʻraxon, dildor, mehnatkash, latofatli degan qizlar tok zanglarini koʻtarib, soʻrilarga bogʻlamoqdalar. Nazarmat, Joʻrlar baland sayraydi