Izoh.uz сайтида айлан сўзининг изоҳи ва маънолари

айлан

Сўзни дўстлар
билан улашинг

феъл

1. Ўз ўқи ёки бирор нарса теварагида ҳаракат қилмоқ, айлана бўйлаб давра олиб юрмоқ.

Ер ўз ўқи атрофида айланади.
Жувон даврани уч айлангандан кейин ўзи сингари кийинган бир йигитни тортди. А. Қаҳҳор, Қўшчинор чироқлари

2. Сайр-томоша ёки бошқа мақсадда кезмоқ.

Ғуломжон шаҳар айлангани кетди. М. Исмоилий, Фарғона тонг отгунча
Тирикчилик ўтказиш учун Юсуфжон қизиқ Туркистонни, Қозоғистонни айланиб чиқди. Т. Обидов, Юсуфжон қизиқ
Эрталаб қурилишга келганда, энг аввал ҳамма участкаларни айланиб чиқди. А. Мухтор, Опа-сингилла

3. Бирор ерда ёки доирада ўралашиб юрмоқ; айланишмоқ.

Абдишукур Татар савдогарлари орасида айланаркан, уни-буни таниди. Ойбек. Танланган асарлар

4. иқт. Муомалада бўлмоқ, юрмоқ.

Капиталнинг айланиши.

5. Бошқа нарсага, бошқа ҳолатга ўтмоқ.

Сув музга айланди. Ёмғир аста-секин қорга айланди. Олқишларга айланган давомли қарсаклар.
Мирзаев шу куни жуда зерикди. Бу зерикиш кечқурунга бориб диққатликка айланди. А. Қаҳҳор, Кўк конверт

6. (айрим сўзлар билан) Тусини касб этмоқ, шундай бўлмоқ.

Ҳар йили бувимни эслаш, худди шу куни амма-амакилар йиғилиши одатга айланган. Газетадан
Келажакда эса бу макон ислом аҳли учун муқаддас қадамжо ва ғоят гўзал зиёратгоҳлардан бирига айланишига ишонч билдирди. Газетадан

айлан сўзи қатнашган жумлалар:

Боши айланмоқ

1) мувозанатини йўқотиб, ҳаммаёқ айланаётгандай, чайқалаётгандай туюлмоқ.

Ботирали айвон устунига суяниб ўтирди-ю, кўзи тиниб, боши айланиб кетди. Ҳ. Ғулом, Машъал
Дастгоҳларни кўриб, аввал бошимиз айланиб қолди. А Мухтор, Опа-сингиллар

Айланиб ўтмоқ

1) бирор нарсанинг атрофи билан ўтмоқ.

Бинони айланиб ўтмоқ;
Улар қонунни маълум даражада билишади, аммо ўзларига боғлиқ масалаларда уни айланиб ўтишга ҳаракат қилишади. Газетадан

Гап айланиб

Гап гапга уланиб, гапдан гап чиқиб.

Гап айланиб, бригадалар ишига кўчди. Н. Сафаров, Хадича Аҳророва

Гап айланмоқ

Гап қўзғалмоқ, гап юрмоқ.

Яна шу ҳақда гап айланиб қолди.

Тили айланмай қолди

Тили лол бўлиб қолди, тили гапга келмай қолди.

Ҳаво айланиб турибди

Ҳаво ёғадигандай булутланиб турибди.

АЙЛАН сўзининг синонимларини Sinonim.uz сайтида қидириб кўринг.

AYLAN сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

3041

Сўзнинг тескари ёзилиши

налйа

Ҳарфлар сони

Кўришлар сони

437

айлан сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

аборт абёт абстракция абадиян Шердор аъзойи бадан аъзо Авесто Ғиждувоний

айлан сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, айлан сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар