беқасам

1. Ўриши ипак, арқоғи ипдан тўқиладиган, йўл-йўл гулли пишиқ газлама; шу газламадан тайёрланган кийим.

1. Бир жўра беқасам. Беқасам тўн.

2. Тоға ҳам эгнида беқасам тўн, узун-узун қўлларини кўксида чирмаштирганча, виқор тўкиб турибди. М. Мансуров, Ёмби

3. Гулдор тоқилик, баланд ойнали уйнинг тўри ва икки томонига беқасам кўрпачалар ёзилган бўлиб, ҳар бир меҳмон орқасига, суянса-суянмаса, катта парёстиқлар ташланган. Ёшлик

4. Баковул уларнинг белига биттадан тўнлик беқасам боғлади. Т. Мурод, Қўшиқ

2. кўчма Турли рангда жилоланувчи, беқасамдек тарам-тарам бўлиб товланувчи.

1. Офтоб тераклар орқасига ўтиб, ҳовлига беқасам соя ташлади. С. Аҳмад, Уфқ

2. Беқасам жилоли шу буюк фазо рангини, тўғриси, Тошкентдан олар. Ғ. Ғулом