бич
билан улашинг
1. Кийим-кечак тикиш учун мўлжалланган материални маълум андоза ва ўлчамларда кесмоқ.
-
Бўйига қараб тўн бич. Мақол
-
Отанинг очган йўли бор, Онанинг бичган тўни бор. Мақол
-
Тиккан чевар эмас, бичган чевар. Мақол
-
Чол дўконхонада ўтириб, иш бичиб беради, Унсин ичкари уйда тикади. Ойбек, Танланган асарлар
2. Белгиламоқ, қўймоқ, кесмоқ (нарх, иш ҳақи ва шу кабилар ҳақида).
-
Нарх бичмоқ.
-
[Даллол:] — Хайр бўлмаса, мен бичай шу бола юз тиллалик мол бўлса ҳам, карвонбоши бобом рози бўлсинлар, сиз олтмиш тилла беринг, — деди. С. Айний, Қуллар
-
Ўзимга ўзим ҳақ бичиб олганим йўқ-ку! Ҳаммаси қонун-қоида билан бўлган. Шарқ юлдузи
3. Ахта қилмоқ.
-
Улоқни бичиш учун олиб бордим.
бич сўзи қатнашган жумлалар:
Бировга кафан бичмоқ
-
Душманларга кафан бичган Пиёдалар — марди майдонлар. Ҳ. Олимжон
-
Оббо, ҳали у ёқда бувим кафан бичиб ўтиргандирлар. Э. Раимов, Ажаб қишлоқ
Ажал (кафан) тўнин бичмоқ
-
Ажал тўнин бичайлик, Душман кўкрагидан санчайлик. Юсуф ва Аҳмад
-
Саваш бўлса, ширин жондан кечади, Душманларга кафан тўнин бичади. Муродхон
Гапга бичган
-
— Ҳожимуқомнинг хотини. Жуда ҳам -гапга бичган-да. Қофияли қилиб гапиради, — деди Нўмонжон. С. Аҳмад, Чўл бургути
-
Абдишукурни худо гапга бичган, енгиб бўлмайди. Ойбек, Танланган асарлар
Ердан бичиб олган
-
У ердан бичиб олгандек пак-пакана хотин эди. А. Қодирий
-
Унинг [Кумушнинг] тўғри, мавзун қоматига ердан бичиб олинган мудҳиш хотиннинг қўллари зўрға етди-да, эсонмисиз, омонмисиз, пошша қиз, деб сўрашди. А. Қодирий, Ўтган кунлар
Тўн бичмоқ
-
Сояга қараб тўн бичма. Мақол
-
Кадрларнинг савлатига, сўзамоллигига қараб эмас, уларнинг ишига, истеъдодига қараб тўн бичинглар. Муштум
БИЧ сўзининг синонимларини Sinonim.uz сайтида қидириб кўринг.
BICH сўзининг лотинча ёзилиши Lotin.uz сайти томонидан тақдим қилинган.
бич сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
