бўнак

1. тарихий Бирор иш юзасидан иш берувчиларнинг иш бажарувчиларга олдиндан берадиган қарзи.

1. —Баракалла! — деди Абдуҳалилбек. —Буниси — бўнаги, иш битгач, яна. Ж. Шарипов, Хоразм

2. Ем-хашак йўқ, бир пой ҳўкиз ориқ-туруқ, Қайдан бўнак олиш билмай, ҳамён қуруқ. Ғ, Ғулом

3. Мен ишимга қараб сўрай бераман, сиз бўнак қилиб бераверасиз. М. Исмоилий, Одамийлик қиссаси

2. тарихий Устанинг ўз шогирдига унинг ишлаб бериши ёки кейинчалик қайтариши шарти билан берадиган қарз пули.

1. Бечора косиблар олдинроқ олиб, еб қўйган бўнакнинг эвазига тишларини тишларига қўйиб, ҳар қанча оғир гап эшитсалар ҳам, чидаб туриб жавоб қилар эдилар. М. Муҳаммаджонов, Турмуш уринишлари

3. бух. Маош ҳисобидан ой охирида ҳисоб-китоб қилиш шарти билан олдиндан бериладиган пул; аванс.