чилла
билан улашинг
1. Йилнинг энг иссиқ ёки энг совуқ қирқ куни.
-
Чилла кирди. Чилла чиқди.
-
Ҳали барвақт бўлишига қарамай, чилла эмасми, қуёш ёниб бош кўтармоқда эди. Шарқ юлдузи
2. этн. Бола туққан ёки туғилгандан, қиз турмушга чиққандан, йигит уйлангандан, марҳум кўмилган кундан кейинги қирқ кунлик давр: турмушдаги баъзи ҳодиса-ҳолатларнинг энг оғир, хатарли ёки масъулиятли даври.
-
Чақалоқнинг чилласи чиққач, янги уйга кўчиб бордилар Ёшлик
-
Халқ табобатида чилла даври қирқ кун ҳисобланиб, шундан йигирма куни кичик чилла, йигирма куни катта чилла дейилади ЎзМE
3. дин. Суфий ёки муриднинг якка ўзи алоҳида хона (ҳужра)да, одамлардан яшириниб, қирқ кун давомида тоат-ибодат қилиши.
чилла сўзи қатнашган жумлалар:
Ёз чилласи ёки ёзги чилла
-
Август — ёз чилласи. Менинг шаҳримнинг ўткир қуёши яллиғи нақ ёндиряпти. Ҳ. Назир, Мафтунингман, Озарбайжон
Чилла суви
Қиш чилласи ёки қишки чилла
-
Қиш чилласи анча оғир келди. С. Аҳмад, Жимжитлик
-
[С. Тўйчибоев]
-
Қиш чилласи тонг саҳарда фермага қараб йўл олди. Муштум
Чилла яра
-
Шуҳратнинг бошига, бўйнига чилла яра чиқиб, олти ойга чўзилди. Қ. Кенжа, Тоғ йўлида бир оқшом
Чилласи чиқмаган
-
Келар ҳафта туғуруқхонадан чиқади янгангиз. Шунга, чилласи чиқмасаям майли, бир зиёфат қилмоқчи эдик. Ш. Холмирзаев, Оғир тош кўчса
-
Қирқ марта айтдим, ҳов келин, қишлоқнинг оғзи ёмонлари бор, кулади, ҳеч бўлмаса, чиллангиз чиққунча шу зормандани кийиб, ишга боринг, деб. Ёшлик
Чилла ўтирмоқ
-
Чиллага ўтирган шунда қирқ кун шайх, Даф қил, дея сўраб худодан уни. Т. Тўла
-
Чилла ўтириш вақти диндор томонидан олдиндан ният қилинган бўлади. ЎзМE
Чилла(га) ўтқазиб кетмоқ
-
Ипак-атлас карвонига бош бўлган савдогарлар косибларни чиллага ўтқазиб кетардилар. Н. Юсуфий, Фарғона шўх кулади
ЧИЛЛА сўзининг синонимларини Sinonim.uz сайтида қидириб кўринг.
CHILLA сўзининг лотинча ёзилиши Lotin.uz сайти томонидан тақдим қилинган.
чилла сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
