чўқи
билан улашинг
1. Тумшуқ билан илиб олиб емоқ.
-
Жўжалар дон чўқишмоқда. Мулла билганини ўқир, Товуқ кўрганини чўқир. Мақол
-
Патнисда тўртта кулча, икки бош қизил чиллаки ва қуш чўқиган қандайдир бир бош узум бор эди. Ойбек, Танланган асарлар
2. Тумшуқ билан зарб бермоқ (қуш ва паррандаларга нисбатан).
-
Қарға қарғанинг кўзини чўқимайди. Мақол
-
Бургут жон-ҳолатда унга [латта-путталар боғланган ходага] ташланиб, тирноқлари билан чангаллаб чўқирди. Бу — дастлабки ов — машқ эди, албатта. Ёшлик
3. кўчма Қўл учи билан чимдиб, озгина емоқ, еб кўрмоқ, татимоқ.
-
[Ҳожи ва Ҳасанали] Сўзлашмасдангина, лагандан бирмунча чўқиган бўлдилар-да, қўл артдилар. А. Қодирий, Ўтган кунлар
4. кўчма с. т. Баланд келиб, зўр чиқмоқ; қаттиқ койимоқ, уришмоқ.
-
Ораларида зўр-зўр адвокатларни чўқиб ташлайдиган раҳбарлари бор эмиш. Ойбек,Улуғ йўл
чўқи сўзи қатнашган жумлалар:
Бир чўқиб, икки қарайди
Бир чўқишда қочирмоқ
-
Мулла Мамажон ўз даврида ялқовлик билан Алиф лайлидаги Абутанбални бир чўқишда қочирадиган киши бўлган экан. Ғ. Ғулом, Тирилган мурда
ЧЎҚИ сўзининг синонимларини Sinonim.uz сайтида қидириб кўринг.
CHO‘QI сўзининг лотинча ёзилиши Lotin.uz сайти томонидан тақдим қилинган.
чўқи сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
