дебоча

1. Китобнинг ранг ва зарҳал билан нақш бериб зийнатланган дастлабки алоҳида саҳифаси; сарварақ.

2. Девон, куллиёт, баёз ва шу кабиларга махсус ёзилган кириш мақола; кириш, муқаддима; эпик асарларнинг кириш қисми.

1. Аҳли шеър балки китобим назми ишқ деб очадир, Йўқ, китобим севгининг девонига дебочадир. Э. Воҳидов, Муҳаббат

3. кўчма Бирор нарса, ҳодиса, иш-ҳаракатнинг бошланиши; бошлама.

1. Бу эндиги саволнинг дебочаси эканини синашта бўлиб қолган Шаҳзода дарров пайқади. Шуҳрат, Жаннат қидирганлар

2. Олтиариқ станцияси Илҳомжон учун ҳаёт мактабининг дебочаси бўлади. Газетадан

3. Чўққидан чопқиллаб тушган шалола — Дарё дебочаси — қўшиғи сенсан. Г. Жўраева, Иқбол.

4. Кичик ҳажмли мусиқий асар; мусиқа асарининг кириш қисми.