илмоқ
билан улашинг
1. Илиб олиш, илиб кўтариш учун ишлатиладиган, темирдан ёки дарахтнинг бутоғидан ясалган хонаки айри асбоб; илгак.
-
Шерали илмоқни яхшилаб ўрнаштиргач, шериклари турган томонга қаради. С. Кароматов, Олтин қум
-
Икки азамат йигит темир илмоқлар билан занжирни кўтариб, кема бурнига қўйди. М. Осим, Карвон йўлларида
-
Файзулла темирнинг иккинчи учини илмоқ қилиб қайиради. С. Сиёев, Ёруғлик
2. кам қўлл. Эшикнинг беркитиш (очилмайдиган қилиш) мосламасидаги илиб қўйиладиган қисм; илгак.
-
Кейин чуқур тин олиб, орқасига ўгирилди-да, қўлини солиб, панжара эшик илмоғини туширди. С. Зуннунова, Олов
3. кўчма Гапнинг замиридаги киноя, шама ёки ғараз.
-
— Мингбоши бу қочиримдан ҳеч бир илмоқ сезмади, балки бу қочириқ уни яна ҳам очиб юборди деди Шокиржон. Ш. Ризо, Қор ёғди, излар босилди
-
У [Гулноз] Зулунбекнинг яқинлашиш учун илмоқ ташлаганига ақли етиб, саволни жавобсиз қолдирди-да, кабинетдан чиқа бошлади. Ғулом, Тошкентликлар
ИЛМОҚ сўзининг синонимларини Sinonim.uz сайтида қидириб кўринг.
ILMOQ сўзининг лотинча ёзилиши Lotin.uz сайти томонидан тақдим қилинган.
илмоқ сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
