ипак

1. Пилла қурти чиқарган жуда ингичка, пишиқ, ялтироқ, товланиб турадиган мулойим тола ва ундан йигирилган ип.

1. Хом ипак. Пишитилган ипак.

2. Ипак толалари сифатини янада яхшилаш борасида олиб борилган изланишлар ижобий якунланди. Газетадан

3. Адолат қопчиғини очди. Унда ангишвонадан тортиб, ип, ипакларгача бор эди. И. Раҳим, Чин муҳаббат

2. Шундай иплардан тўқилган мато, шойи ва ундан тикилган кийим ёки буюм.

1. Ипак гилам. Ипак рўмол.

2. Зайнаб ҳам тамом ипакларга кўмилиб ясанган, кеча эрга теккан янги келинлар суратига кирган эди. А. Қодирий, Ўтган кунлар

3. кўчма Мулойим, нозик.

1. Ботирали хотинининг қалин ипак сочини силаб гапирди. Ҳ. Ғулом, Машъал