жипс

1. равиш Орасида жой, тирқиш бўлмаган, тирқишсиз, зич.

1. Жипс ёпилмай турган эшикларнинг икки қаноти орасидан совуқ қорнинг заҳарли изғирини кириб, уйларнинг токчаларини айланмоққа, унинг совуқ ҳув-ҳувлари шип ораларидан эшитилмоққа бошлади. Чўлпон, Кеча ва кундуз

2. Бир жон, бир тан бўлиб бирлашган, бирдам.

1. Тинчлик учун курашувчиларнинг жипс сафи ўсмоқда. Жамоа билан жипс боғланмоқ.

3. кўчма Яқин, яқинлашиб; ёнма-ён.

1. Жўра бобонинг тўриғи улоққа жипсроқ чопди. Т. Мурод, От кишнаган оқшом

2. Бўз от жийрон-қашқа билан жипс келган заҳоти Бобур бўй чўзиб, нариги отнинг эгаридан икки қўллаб ушлади-ю, бор кучи билан эгардан эгарга сакради. П. Қодиров, Юлдузли тунлар