катта-кичик
билан улашинг
1. Ҳажман ҳар хил, ҳар хил катталикдаги, турлича.
-
Катта-кичик иморатлар. Катта-кичик дарахтлар.
-
Ўрмонжон айвонга чиқиб, стол ва каравотда турган бир неча катта-кичик тугунларни кўриб ҳайрон бўлди. А. Қаҳҳор, Қўшчи-нор чироқлари
-
Дарё бўйида катта-кичик кўллар, тўқайзорлар кўп эди. Ў. Ҳошимов, Қалбингга қулоқ сол
2. Аҳамияти, даражаси, кучи жиҳатидан ҳар хил, турли даражадаги. Катта-кичик муваффақиятлар. Катта-кичик амалдорлар.
-
Бу экспедиция бир ёқдан Шералининг геологияда ўз ўрнини белгилаб берган бўлса, иккинчи ёқдан катта-кичик олимлар диққатини жалб этди. С. Кароматов, Олтин қум
3. от С. т. Турли ёшдаги кишилар; барча, ҳамма, каттаю кичик.
-
Майдонга катта-кичик йиғилди.
-
Менинг ёшим олти-да Катта-кичик олдида Кўзни қилиб шам-ғалат, Олмайман ҳеч шоколад. Қ. Муҳаммадий
-
Ўзинг ҳам биласан, қачон қарасанг, катта-кичикка баравар, ҳамиша камбағаллар фойдасини кўзлайди. Ҳ. Шамс, Душман
КАТТА-КИЧИК сўзининг синонимларини Sinonim.uz сайтида қидириб кўринг.
KATTA-KICHIK сўзининг лотинча ёзилиши Lotin.uz сайти томонидан тақдим қилинган.
катта-кичик сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
