katta-kichik

1. Hajman har xil, har xil kattalikdagi, turlicha.

1. Katta-kichik imoratlar. Katta-kichik daraxtlar.

2. Oʻrmonjon ayvonga chiqib, stol va karavotda turgan bir necha katta-kichik tugunlarni koʻrib hayron boʻldi. A. Qahhor, Qoʻshchi-nor chiroqlari

3. Daryo boʻyida katta-kichik koʻllar, toʻqayzorlar koʻp edi. Oʻ. Hoshimov, Qalbingga quloq sol

2. Ahamiyati, darajasi, kuchi jihatidan har xil, turli darajadagi. Katta-kichik muvaffaqiyatlar. Katta-kichik amaldorlar.

1. Bu ekspeditsiya bir yoqdan Sheralining geologiyada oʻz oʻrnini belgilab bergan boʻlsa, ikkinchi yoqdan katta-kichik olimlar diqqatini jalb etdi. S. Karomatov, Oltin qum

3. ot S. t. Turli yoshdagi kishilar; barcha, hamma, kattayu kichik.

1. Maydonga katta-kichik yigʻildi.

2. Mening yoshim olti-da Katta-kichik oldida Koʻzni qilib sham-gʻalat, Olmayman hech shokolad. Q. Muhammadiy

3. Oʻzing ham bilasan, qachon qarasang, katta-kichikka baravar, hamisha kambagʻallar foydasini koʻzlaydi. H. Shams, Dushman