кекса
билан улашинг
1. сифатдош Узоқ яшаб катта ёшга етган, умрининг охирги босқичини яшаётган; қари.
-
Кекса одам. Кекса аёл. Кекса чинор.
-
Қуёш энди тиғ ёя бошлаган салқин сабоҳда Қорабулоқ қишлоғидан бири кекса, бири ёш — икки отлиқ чиқиб келаверди. М. Исмоилий, Фарғона тонг отгунча.
-
Ана, кекса қайрағоч, унинг тунука том устига энгашган азамат шохи қуриб қолибди. С. Аҳмад, Қадрдон далалар
2. от Кекса ёшдаги шахс; қария.
-
Кексалар чойхонаси. Кексалар ўгити.
-
Кексалар бўлса, бундай иссиқ ўттиз йил бурун бўлганини, ўшанда ҳам шаҳар товадай қизиб, одамлар атроф чорбоғларда жон сақлашганини эслашарди. Мирмуҳсин, Умид
-
Кексаларнинг айтишича, бундай пайтларда бирон-бир тепаликнинг устига чиқиб, жимгина қулоқ солиб ётсангиз, ернинг нафасини эшитармишсиз. Ў. Ҳошимов, Қалбингга қулоқ сол
3. кўчма Узоқ йиллардан бери мавжуд, кўп йилларни кўрган; қадимий, эски.
-
Кекса билим даргоҳларидан бири.
-
Ҳар бир халқнинг оғзаки бадиий ижодиёти у халқнинг тарихи қадар кексадир. ЎТА
-
Эй, кекса булоқлар, эски қадрдон, Ўйноқи умримдай жўшиб оқдингиз. Ғайратий
-
Шундай ёрқин, шундай ойдин замони ҳам бўлармикин бу жафокаш кекса дунёнинг?! М. Исмоилий, Фарғона тонг отгунча.
кекса сўзи қатнашган жумлалар:
Кекса тортмоқ
-
Лекин кунлар ўтиб, Тўти хола ранги синиқиб, кўзлари киртаяётгандай, кекса тортиб қолаётгандай бўлди. Гулдаста.
КЕКСА сўзининг синонимларини Sinonim.uz сайтида қидириб кўринг.
KEKSA сўзининг лотинча ёзилиши Lotin.uz сайти томонидан тақдим қилинган.
кекса сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
