кейинги
билан улашинг
1. Кетма-кетликда олдингидан кейин турувчи, навбатдаги.
-
Олдинги арава қай йўлдан юрса, кейинги арава ҳам шу йўлдан юрар. Мақол
-
Раъно кейинги мисрани ўқиб, ўйланиб қолди. А. Қодирий, Меҳробдан чаён
-
У [Йўлчи] кўзлаган жойига тезроқ етишга ошиқиб, ўткинчилардан сўрар эди: — Тўпқайрағочга яқин қолдими? — Ҳали бор. Кўприкдан кейинги гузар. Ойбек, Танланган асарлар
2. Кет томондаги, орқадаги.
-
Араванинг кейинги ғилдираги. Отнинг кейинги оёқлари.
-
Шоҳ [пашша] кейинги оёқлари билан қанотининг устини силади. А. Қаҳҳор, Башорат
3. Охирги, сўнгги.
-
Ғуломжон кейинги вақтларда танҳоликка майл боғлаб, муллаваччалар суҳбатидан ўзини тортадиган бўлиб қолди. М. Исмоилий, Фарғона тонг отгунча
-
Кейинги янги моделлар ичида ёшларнинг спорт костюми бўлиб, бунга беш қиррали фахрли белги берилди. Газетадан
4. Яқинда пайдо бўлган, янги.
-
Тошкентлик машҳур бир бойнинг хасислиги ҳақида кейинги, ҳали ҳеч кимнинг қулоғига чалинмаган латифалар суҳбатга ранг бериб турар эди. Ойбек, Танланган асарлар
кейинги сўзи қатнашган жумлалар:
Итнинг кейинги оёғи
-
Бирор ҳунар-пунар ўргансин. Йўқса, ўзингга ўхшаб, итнинг кейинги оёғи бўлиб қолади. Э. Раимов, Ажаб қишлоқ
КЕЙИНГИ сўзининг синонимларини Sinonim.uz сайтида қидириб кўринг.
KEYINGI сўзининг лотинча ёзилиши Lotin.uz сайти томонидан тақдим қилинган.
кейинги сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
