коллектор

1. Зах қочириш (дренаж) тармоғининг сув йиғувчи қисмидан келаётган (сизот) сувни тўплаб, суви қочирилаётган майдондан бошқа томонга оқизиб, чиқазиб юбориш учун хизмат қиладиган дренаж қувури ёки очиқ канал; сизот сувларни тортадиган катта зовур.

1. Мавжуд коллектор-зовур тармоқларини лойдан ва бегона ўтлардан тозалаб туриш ҳам катта аҳамиятга эга. Фан ва турмуш

2. Машинамиз коллектор ёқалаб чўл ичкарисига кириб боради. Ўзбекистон қўриқлари

2. махс. Канализация тармоғининг канализация ҳовузларидан оқова сувларни йиғадиган қисми (бетон, темир-бетон ёки керамик блоклардан қилинадиган қувур, ҳовуз кабилар).

3. махс. Алоқа кабеллари ҳамда сув, газ ўтказувчи ва бошқалар қувурлар ётқизиладиган ер ости йўлаклари.

4. тех. Айрим техник қурилмаларнинг номи, масалан, ички ёнув двигателининг чиқариш ва киритиш коллектори.

5. тех. физ. Электр токи частотасини механик тарзда ўзгартирувчи мослама; конструктив жиҳатдан электр машина ротори (якори) билан бирлаштирилган бўлади.

6. Бирор нарса намуналарини тўплаш, рўйхатга киритиш, сақлаш ва тарқатиш билан шуғулланувчи муассаса ёки шахс.

1. Кутубхона коллектори.