литография

1. Оҳактош (литографик) тошга релефсиз, литография тоши ёки қалами билан туширилган босма қолип; тошбосма; шундай тошбосмада матн босиш, чоп этиш усули.

1. ХХ аср бошларида литография усулида нашр этилган бир неча баёзларда Қосим девона тахаллусли номаълум шоирнинг яли-ялирадифли ғазали учрайди. ЎТА

2. Шу усулда босилган матн ёки асар.

3. Шундай усулда матн нашр этадиган корхона ёки цех; тошбосмахона.

1. Янги ишлаб чиқариш муносабатларининг маҳсули сифатида литография ва босмахоналар вужудга келди. Газетадан

2. 1918 йил 29-мартда Туркистон республикаси Халқ комиссарлари совети Туркистон ўлкасидаги барча литографияларни национализация қилиш тўғрисида декрет қабул қилди. Фан ва турмуш

4. Шу усулда рассомлар томонидан яратиладиган графика асарлари.