маъқул
билан улашинг
1. Талаб-истакка тўғри келадиган; мақбул.
-
Маъқул иш. Маъқул гап. Маъқул фикр.
-
Комплекс лойиҳалар ҳозир сероб. Маъқулини танлайсиз, қураверасиз. Ўзбекистон қўриқлари
-
Низомиддинов ишни бир ёқлама олиб боряпти. Шу одамнинг иши менга унчалик маъқул эмас. С. Аҳмад, Ҳукм
2. (кесим вазифасида ёки таркибида) Яхши, дуруст.
-
Ёки ўзини кўрмасдан, ғойибона севиб юрганим маъқулмикан? Х. Тўхтабоев, Ширин қовунлар мамлакати
-
Нонушта қила-ётганимизда, мана бу чўқморни унга айтиб қўйганимиз маъқул. Мирмуҳсин, Меъмор
3. Маъқуллаш, розиликни билдиради: яхши, дуруст, хўп.
-
Маъқул, маъқул, бой ота, шояд давлатингиз кам бўлмасин! Ойбек, Танланган асарлар
-
Эрта билан йўлга чиқайлик. — Маъқул, — деди Меъмор. Мирмуҳсин, Меъмор
4. Гап-сўзни қайтармайдиган; ювош.
-
Башорат хола қаршисида опасини хуноб қиладиган енгилтак Олимжон эмас, балки оғир табиатли, мўмин, маъқул ва эс-ҳушли, бутунлай бошқа бир бола тургандай эди. А. Мираҳмедов, Кулган чечаклар
маъқул сўзи қатнашган жумлалар:
Маъқул бўлмоқ (ёки келмоқ, тушмоқ)
-
Гапим икковига ҳам маъқул бўлди, шекилли у ёғи кўнгилдагидек бўлди. Х. Тўхтабоев, Ширин қовунлар мамлакати
-
Бу гап залда ўтирганларга ҳам маъқул тушди. Ёшлик
-
Каромат хола, ҳатто бирор нарса ўзига ҳаддан ташқари маъқул келса ҳам, ўша нарсани қарғаб-қарғаб мақтарди. Ю. Шомансур, Қора марварид
Маъқул қилмоқ
-
У дўстларига тунов кунги шеърини маъқул қила олганига қувонарди. С. Сиёев, Ёруғлик
МАЪҚУЛ сўзининг синонимларини Sinonim.uz сайтида қидириб кўринг.
MAʼQUL сўзининг лотинча ёзилиши Lotin.uz сайти томонидан тақдим қилинган.
маъқул сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
