манёвр

1. ҳарб. Қўшин ёки флотнинг душманга зарба бериш мақсадида энг қулай вазиятни эгаллаш учун қиладиган ҳаракати; қўшин ёки флотнинг тактик машғулоти, машқлари.

1. Манёвр ўтказиш тактикаси.

2. Фақат яхши ўйланиб тузилган манёвр билангина душман қаршилигини синдира олдик. Н. Сафаров, Оловли излар

2. т. й. Станцияда поезд улаш учун паровоз ва вагонларни у йўлдан бу йўлга кўчириш.

1. Далага ёйилган тракторлар, темир йўл станцияларида манёвр қилаётган паровозлардай, гуруллашиб ҳаракат қилмоқда. С. Айний, Қуллар

3. Самолёт, кема ва шу кабиларнинг тўсиққа ёки душманга чап бериш учун ўз йўналишини ўзгартиб қиладиган ҳаракатлари.

1. Бутун баталон самолётнинг тепаликни қидираётганини билди, душман зенитига чап бериб манёвр қилаётганини тушунди. И. Раҳим, Чин муҳаббат