Izoh.uz сайтида маслаҳат сўзининг изоҳи ва маънолари

маслаҳат

Сўзни дўстлар
билан улашинг

от

1. Бирор ишни қандай қилиш ёки умуман нима қилиш кераклиги ҳақида йўл-йўриқ тарзидаги фикр, мулоҳаза.

Яхши маслаҳат. Маслаҳат бермоқ (қилмоқ). Маслаҳат сўрамоқ (қилмоқ).
Менинг фикримча, чигит экишда ҳосилот отанинг маслаҳатига кўниш керак эди. Р. Файзий, Чўлга баҳор келди
Бу маслаҳат Сидиқжонга ҳам маъқул тушди. А. Қаҳҳор, Қўшчинор чироқлари
Умид академик Отабоев ҳовлисига ҳам бир неча бор бориб, ўз ишига доир маслаҳатлар олди. Мирмуҳсин, Умид

2. Тавсия, таклиф тарзидаги гап.

Гапга қулоқ солинг, сизга маслаҳатим — бўлар-бўлмасга куйиб-пишаверманг. С. Сиёев, Ёруғлик
Сизга менинг маслаҳатим — Андижонда кўп турманг. П. Қодиров, Юлдузли тунлар

3. Кенгаш, фикр олишиш.

Маслаҳат билан бўлган иш бузилмас. Мақол
Якшанба куни қариндош-уруғлар маслаҳатга тўпланишди. С. Сиёев, Ёруғлик
Моҳидил маслаҳат йиғинида баъзиларнинг Ҳошимжондан норози бўлганини кўз олдига келтирди. Ж. Абдуллахонов, Тўфон
Бундоқ маслаҳат мажлисларини ҳам уюштириш ўз вазифаси деб ўйларди. Мирмуҳсин, Меъмор

маслаҳат сўзи қатнашган жумлалар:

Маслаҳат кўрмоқ

Бирор фикр-мулоҳазани маъқул топмоқ ва тавсия этмоқ.

хон бу ишни маслаҳат кўрсалар, биз ёрдамга ҳозирмиз деган қуруқ ваъдалар билан жавоб мактуби олинган эди. А. Қодирий, Ўтган кунлар
Сиз устозга яна бирон шикоят етмаслигини ўйлаб, Хуросондан чиқиб кетишингизни маслаҳат кўрамиз. Мирмуҳсин, Меъмор

Маслаҳат оши

этн . Тўй ёки бошқа маросимни ўтказиш олдидан маҳалладаги оқсоқоллар, қўни-қўшни ва қариндош-уруғлар учун йиғин ўтказиб бериладиган ош.

Маслаҳат ошидан кейин энг катта ва муҳим иш тўй эмас, янги уйга кўчиб кириш бўлиб қолди. А. Қаҳҳор, Қўшчинор чироқлари

Маслаҳат солмоқ

Маслаҳат тарзида ўз фикр мулоҳазасини айтмоқ, ўртага ташламоқ; кенгашмоқ.

Кекса уста ўғилларини тўплаб, маслаҳат солди. С. Сиёев, Аваз.
Ойимга хархаша қилаверган эдим, ойим бувимга маслаҳат солди. Ҳ. Назир, Ёнар дарё

Маслаҳат қилмоқ

Маслаҳатлашмоқ.

Аммо олти овсин ҳар куни пичирлашиб, ниманидир маслаҳат қилишарди. С. Аҳмад, Келинлар қўзғолони
Қурбон ота ўз тенгқурларини йиғиб, ишни қачон ва қандай бошлаш тўғрисида маслаҳат қилди. А. Қаҳҳор, Қўшчинор чироқлари

Маслаҳатни бир ерга қўймоқ

Маслаҳатлашиб, бир фикрга келмоқ.

Она-бола туни билан ҳасратлашиб, охири маслаҳатни бир ерга қўядилар. П. Турсун, Ўқитувчи.

МАСЛАҲАТ сўзининг синонимларини Sinonim.uz сайтида қидириб кўринг.

MASLAHAT сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

1757

Сўзнинг тескари ёзилиши

таҳалсам

Ҳарфлар сони

Кўришлар сони

1522

маслаҳат сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

Уран абзал Зулфияхоним абажур Баҳоуддин Нақшбанд аччиқтош абр Европарламент абадийлаштирил

маслаҳат сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, маслаҳат сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар