Izoh.uz сайтида мой сўзининг изоҳи ва маънолари

мой

Сўзни дўстлар
билан улашинг

от

1. Чорва моллари ва баъзи жониворлар тўқималарида бўладиган, таркибида ёғ бўладиган нарса.

Бир қумалоқ бир қорин мойни чиритар. Мақол
Эчкига жон қайғу, қассобгамой қайғу. Мақол
Қуённинг мойи қўй ва қорамол мойига нисбатан тез эрийди. Фан ва турмуш

2. Шундай нарсадан ва баъзи ўсимликларнинг уруғи, гули ва мевасидан олинадиган, сувда эримайдиган модда; ёғ.

Ҳайвонот мойларидан тайёрланган ёғ маҳсулотлари ҳам яхши доғлашни талаб этади. Газетадан
Ёнғоқнинг таркибида мой, оқсил моддалари беҳисоб. Ж. Абдуллахонов, Орият
соядан яхши ҳосил олишимиз, озиқ-овқат саноати учун соя мойи ишлаб чиқаришимиз мумкин. Газетадан
Инсон гуллардан эфир ва саноат мойи ва доривор олишга ҳам ўрганган. Газетадан

3. Юмшатиш, ҳаракатни равонлаштириш, пардоз ва бошқалар мақсадларда ишлатилув-чи моддаларнинг умумий номи.

Коржомаси ва қўлларигача мой бўлганидан, билагини тутиб сўрашди. Р. Файзий, Асад либоси
Муллажон амаки ҳалиги кишининг юзига суқма мой суртдилар-да, ҳафсала билан ишқаладилар. Э. Раимов, Ажаб қишлоқ
мой суртмасанг, араванинг ўқи ҳам ғирчиллайди. Муштум

4. с.т. кам. қўлл. Бўёқ.

Полиция эшиги берк: яшил мой билан сирланган ёғоч панжаралар олдида тутаққан халқ қайнайди. Ойбек, Танланган асарлар.

мой сўзи қатнашган жумлалар:

Жувоз мойи

Чигит, мағиз ва шу кабилардан жувозда чиқарилган мой (

Қўшни ҳовлидан чучитилган жувоз мойининг иси келади. С. Аҳмад, Ҳукм

Мой босган ёки мойи чиққан

Кир бўлиб, ялтираб кетган (асосан кийим ҳақида).

Бир неча минутдан сўнг туриб, мой босган қатирма дўпписи ичига тўғналган игнани олди. Ойбек, Танланган асарлар
бошида мойи чиқиб кетган эски кепка, эгнида қора сатин пиджак. О. Тоғаев, Алангали юрак

Мой томса (ёки тўкилса, тушса) ялагудек

Ниҳоятда тоза (ер сатҳи, пол ва шу кабилар ҳақида).

Турдиматчўталь гўлаххонани мой томса ялагудек қилиб, афтидан, бор зеҳнини бериб тозалаб қўйган эди. А. Мухтор, Опа-сингиллар
Мой тўкилса ялагудек. П. Турсун, Ўқитувчи

Мойдек (ёки мой каби) ёқмоқ

Кўнглига жуда хуш келмоқ; ёқиб тушмоқ.

Зиёдилланинг бу гаплари домлага мойдек ёқиб тушди шекилли. Ҳ. Ғулом, Машъал
Кумушнинг ўтинчи унга мой каби ёқиб тушди. А. Қодирий, Ўтган кунлар

Оғзидан мой томмоқ

Ўзига жуда маъқул билиб, хуш келиб гапирмоқ.

Гапирганда оғзидан мой томади.
Раҳмонали ўзи ишлаган МТС ва хотини аъзо бўлган колхоз ишини оғзидан мой томиб мақтай кетди. Н. Сафаров, Катта карвон йўлда

Пичоғи мой устида

Иши, маишати жуда яхши.

Булар ҳам бир нав дуруст: бири агроном, бири мол духтири. Пичоқлари мой устида! О. Ёқубов, Ларза
Ана, энди Турсуналининг пичоғи яна мой устида. Муштум

Қозон ҳам мой, чўмич ҳам

Рўзғор, тирикчиликнинг бекам-кўст, етарли таъминланганини, тўкинлигини билдиради.

Машиналарни рост кўча қолиб, паст кўчадан югуртиравердилар. Қарасалар, қозон ҳам мой, чўмичи ҳам. Муштум

Оғзингга мой

Суҳбатдошнинг гапи, хабари жуда маъқул келганда, ёқиб тушганда қўлланадиган ибора.

Оғзингизга мой, амаки! О. Ёқубов, Ларза
— Унинг айтишига қараганда, Зуннунхўжа қулоқ қилинипти! Сидиқжон ялт этиб унга қаради: — Ростми? Яшанг-э, оғзингизга мой! А. Қаҳҳор, Қўшчинор чироқлари

МОЙ сўзининг синонимларини Sinonim.uz сайтида қидириб кўринг.

MOY сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

18100

Сўзнинг тескари ёзилиши

йом

Ҳарфлар сони

Кўришлар сони

582

мой сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

аберрацион аббат абстракция аъён абадий абжад Венера ачимсиқ ачимтир

мой сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, мой сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар