наинки

1. юклама Шубҳа, ажабланиш, ишонмаслик каби маъноларни ифодалайди; наҳотки.

1. Наинки фашист фақат душмангина бўлса, наинки унинг бутун қилиш-қилмишларини минг йиллардан бери одам боласига маълум бўлган душман калимаси ифода қила олса. А. Қаҳҳор, Олтин юлдуз

2. Фақат саналган нарсаларгина эмас маъносида; бундан ташқари; нафақат.

1. Умиданинг ўзига ором олиш қачон насиб бўларкин? У ўша француздан ҳам аянчроқ ҳис қилади ўзини. Наинки вужуди, бутун ҳаёти, руҳи қийноқда. А. Мухтор, Чинор

2. Жим-житлик, кимсасизлик, ярим ўлик табиат наинки инсон, жониворлар юрагига ҳам ваҳима соларди. Мирмуҳсин, Меъмор