ўгир
билан улашинг
1. Асл (турган) ҳолатидан бирор томонга қаратмоқ, бурмоқ.
-
Раъно юзини четга ўгириб, бошидаги рўмоли билан юзини артди, узун энтикди. А. Қодирий, Меҳробдан чаён
-
У киргач, хотин бошини ўгириб қаради-да, шу қараганича кўзлари хиралашиб, секин юмилди. А. Қаҳҳор, Олтин юлдуз
-
Баширжон дарҳол хотинига орқа ўгириб, бармоғини қалин лабларида ҳўллаб олиб, санашга тушди. Н. Аминов, Суварак
2. Ўйинда: ошиқ, гугурт каби нарсаларни (бирор ҳолатда, мас, тикка туришини мўлжаллаб) думалатиб, ерга ташламоқ.
-
Бола ошиқ ўгирди.
3. Тўй-ҳашам ва шу кабиларда қўшиқчи, ўйин-чи бошидан пул айлантириб ташламоқ, пул қистирмоқ.
-
Пулдор хотинлар бир-бирларидан қолмасликка тиришиб, пул ўгирдилар. Ойбек, Танланган асарлар
4. дин. Азиз-авлиёларга атаб боши ёки устидан пул ёки бирор буюмни айлантириб садақа қилмоқ (бирор эзгу тилакка эри-шиш учун ёки бирор бахтли ҳодиса муносабати билан).
-
Маҳалладаги қушноч хотин беморнинг бошидан бир қора товуқни ўгириб бир эчкини сўйиб, худойи қилишни буюрди. М. Осим, Тилсиз гувоҳ
-
Офтобойим эрининг бу сўзини эшитиши билан Хўжа Баҳовуддин йўлига ўгириб қўйган етти танга пулини Тўйбекага бериб, дарров эшонникига жўнатди. А. Қодирий, Ўтган кунлар
5. Таржима қилмоқ.
-
оригиналдаги асар лейтмотивини ифодалайдиган дўстлик, қўшиқ, рақс, висол сўз ва ибораларни қойил қилиб ўгирган. ЎТА
-
Асадулла хаёлидаги ўзбекча шеърни форсийга ўгириб ёзди. Шарқ юлдузи
ўгир сўзи қатнашган жумлалар:
Бошидан сув ўгириб ичмоқ
-
Пахтакор билан механизатор ҳар бир янги машинанинг бошидан сув ўгириб ичгудай. И. Раҳим, Зангори кема капитани
Калима ўгирмоқ айн. калима келтирмоқ
-
Бурун замонда буларга ўхшаган қарилар эмас, ҳатто ёшлар ҳам калима ўгириб ётар эди, яъни айтмоқчи бўламанки, яшашдан кўра кўпроқ ўлиш тўғрисида ўйлар эди. А. Қаҳҳор, Йиллар.
Юз ўгирмоқ
ЎГИР сўзининг синонимларини Sinonim.uz сайтида қидириб кўринг.
O‘GIR сўзининг лотинча ёзилиши Lotin.uz сайти томонидан тақдим қилинган.
ўгир сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
