пилик
билан улашинг
1. Бир учи ёритқич асбоб ичидаги керосинни ёки мойни шимиб, иккинчи — ёнувчи учига ўтказиб берадиган лентасимон мато ёки эшилган пахта.
-
Қорачироқ пилиги. Шамнинг пилиги. Лампа пилиги.
-
Мойи тугаб, пилиги сўхта бўлган чироқ бир лип этиб сўнди. С. Аҳмад, Ҳукм
-
Ёшига нисбатан анча тетик, барваста чол остона ҳатлади. Гулрўйнинг юраги безовта тепганча, яна бир бор эшитилар-эшитилмас, ўтиринг, деб қўйди-да, чироқ пилигини бир оз кўтариб, кўрпача ташлади. Ёшлик
2. тўқм. Пахта, жун, ипак ва зиғир толаларини бўшгина ҳимариб, чўзиб, тўғрилаб ҳосил қилинадиган маҳсулот.
-
Пилик ип йигириш учун асосий хомашё ҳисобланади. ЎзМE
3. Соч ўрими ечилиб кетмаслиги учун унинг учига қўшиб ўрилган пахта.
-
Сочини майда ўриб, учига пилик таққан, оёғига кавуш, эгнига чит кўйлак кийган ўн олти ёшлардаги бир қиз анор узиб, саватга терарди. С. Аҳмад, Сайланма
4. Арвоҳларга, инс-у жинсларга атаб ёқиш учун бир учига пахта ўраб, ёққа ботирилган чўп.
-
Камзулининг чўнтагидан қамишга ўралган бир неча пиликни олиб, учтасини Сурмахон қабрининг бош томонига тиқиб, ёндириб қўйди. И. Раҳим, Ихлос
5. Қош, киприкни бўяш учун ишлатиладиган, учига пахта ўралган чўп.
-
Сатимхоннинг қўшнилар билан тотувлашиб олганини айтмайсизми — бир пиёла кетидан ўсма қўйиб, бир пиликдан сурма тортгандай! Шуҳрат, Умр поғоналари
пилик сўзи қатнашган жумлалар:
Пилигини кўтармоқ
-
[Расулжон:] Йўқ, дўстим, ҳозирги замонда математикадан оқсаш ярамайди. Математикадан баҳонинг пилигини кўтариш керак. Ж. Абдуллахонов, Хонадон
-
— Сиз ҳам бизнинг диний урф-одатларимизга дахл қилманг, оқибати яхши бўлмайди, — деди мулойимлик билан. Кейин пилигини сал баланд кўтариб, илова қилди. — Сиз ёшликда қандай бўлсангиз, ҳалиям ўша-ўша чўрткесар, ўжар, қизиққонсиз. К. Яшин, Ҳамза
ПИЛИК сўзининг синонимларини Sinonim.uz сайтида қидириб кўринг.
PILIK сўзининг лотинча ёзилиши Lotin.uz сайти томонидан тақдим қилинган.
пилик сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
