Izoh.uz сайтида ростла сўзининг изоҳи ва маънолари

ростла

Сўзни дўстлар
билан улашинг

феъл

1. Тўғриламоқ, тикламоқ.

Беш-ўн йигит шохариқ, ўқариқларни ростлаб, тут тагига чиқишди. И. Шамшаров, Кўрк меъморлари

2. кўчма Ишини, хўжалигини ўнгламоқ, тиклаб олмоқ.

У институтни битиргач, ўзини анча ростлаб олди.

3. Тартибга солмоқ, тузатмоқ.

Қилич ботир шошилмасдан ўзини ростлаб олиб, уйга кирса, Оқбилак ойим ухлаб ётипти. Эртаклар

4. Нафасини ростламоқ 1) дам олиб, на-фасни жойига келтирмоқ.

Саломат нафасини ростлаб, яна йўл юрди. С. Аҳмад, Ҳукм; 2) ўзини ўнглаб олмоқ
Полк командири, душман нафасини ростлаб олмасдан туриб, қарши ҳужумга ўтиш тўғрисида буйруқ берди. А. Қаҳҳор, Олтин юлдуз

5. сўзлашув тили Адабини бермоқ, бопламоқ.

Шошмай тур, сени бир ростлайки, дунёга келганингга юз пушаймон қил. Ҳамза, Майсаранинг иши

6. тех. Қурилма, механизм ва шу кабиларни тўғри ишлайдиган ҳолга келтирмоқ, созламоқ.

Тормозларни ростламоқ.

ростла сўзи қатнашган жумлалар:

Қаддини (ёки белини) ростламоқ

1. Қаддини кўтармоқ, тикламоқ; ғоз турмоқ.

Биров эшитиб қолишидан чўчигандай, секингина уф тортди-ю, қаддини ростлаб ўтирди. Ў. Ҳошимов, Қалбингга қулоқ сол
Шерзод қаддини ростлади-ю, ичкарига кириб келаётган мудирни кўрди. Ў. Ҳошимов, Нур борки, соя бор
Санобар аҳён-аҳёнда қаддини тиклаб, белини ростлаб оларди-да, яна жадал теришга тушиб кетарди. М. Хайруллаев, Кўнгил

2. Ўзини, хўжалигини тикламоқ, оёққа турғизмоқ.

Тошкентимизнинг қайта тикланиб, қаддини ростлашида халқлар дўстлиги нималарга қодир эканини ҳам бутун олам кўрди. Р. Файзий, Таъзим;

3. Барпо бўлмоқ, қурилмоқ.

Бинокор қадами етган жой тез обод бўлади, улкан завод-фабрикалар қаддини ростлайди, ишлаб турган корхоналарнинг қудрати ортади. Газетадан

Жуфтакни ростламоқ

Кишилар етиб келганларида, жиноятчилар аллақачон жуфтакни ростлаб бўлишган, ҳовлида эса жабрланувчи Шарофат опа дағ-дағ титраб турарди. Муштум
[Ортиқ:] — Ҳушёр бўлиб ётасан, бугун кечаси жуфтакни ростлаймиз. М. Мансуров, Ёмби

Оғиз ростламоқ

1. айнан Оғиз жуфтламоқ ;

2. Оғзига олиб бормоқ, тўғриламоқ.

Ҳайдар ота шуни [чилимни] сўрай, деб энди оғиз ростлаган эди, кампирга кўзи тушиб қолди. А. Қаҳҳор, Асрор бобо

РОСТЛА сўзининг синонимларини Sinonim.uz сайтида қидириб кўринг.

ROSTLA сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

22848

Сўзнинг тескари ёзилиши

алтсор

Ҳарфлар сони

Кўришлар сони

165

ростла сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

ачиниш абадийлаштир аълочи аччиқлаш абгор аъмол Қуръон ачиштир Оролбўйи

ростла сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, ростла сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар