сапчи
билан улашинг
1. Кескин ҳаракат қилиб, бирор кимса ёки нарсага ташланмоқ, ўзини (юқорига) отмоқ.
-
Рустам., қисилган пружинадек осмонга сапчиди. Ў. Ҳошимов, Қалбингга қулоқ сол
-
[Хушрўй] Иккинчи ва учинчи кунларда тўппа-тўғри кундош устига сапчийди. А. Қодирий, Ўтган кунлар
-
Хазон уюмларини оқизиб келаётган тиниқ сунбула суви қирғоққа сапчир эди. М. Муҳамедов, Қаҳрамон изидан
2. Умуман, кескин ҳаракат қилмоқ; сакрамоқ, ирғимоқ, тўсатдан ўрнидан турмоқ; ирғиб туриб кетмоқ.
-
Жувон бехос ток ургандек бир сапчиб тушди. С. Сиёев, Ёруғлик
-
Раис, бехос сапчиган от устидан учиб тушай деди-ю, ўзини ўнглаб олиб, жиловни қаттиқ тортди. Т. Малик, Ажаб дунё
-
Бирдан аёл кишининг ўкраб йиғлаган овозини эшитиб, сапчиб ўрнидан турди-да, Қашқарча томон югурди. К. Яшин, Ҳамза
сапчи сўзи қатнашган жумлалар:
Бетига сапчимоқ
Ерга урсанг, кўкка сапчийди
-
Исломбек жуда шўх бола бўлган, нақ ерга урсанг, кўкка сапчийди. Ёшлик
Сапчиб кетмоқ (ёки тушмоқ)
-
Абдуқодирбой ўғлининг шаккоклигидан сапчиб тушди. К. Яшин, Ҳамза
-
— Заҳар ичибди! — деди табиб. Отабек сапчиб кетди. А. Қодирий, Ўтган кунлар
САПЧИ сўзининг синонимларини Sinonim.uz сайтида қидириб кўринг.
SAPCHI сўзининг лотинча ёзилиши Lotin.uz сайти томонидан тақдим қилинган.
сапчи сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
