сийрак
билан улашинг
1. Туки кам, қалин, қуюқ эмас.
-
Сийрак соқол. Сийрак соч.
-
Мўмин ака пешонасини тириштирди, сийрак бароқ қошлари бир-бирига туташди. О. Ёқубов, Бир фелетон қиссаси
-
Исфандиёр пинагини бузмади. Сийрак мурти бир учиб қўйди, холос. С. Сиёев, Аваз
2. Кўп эмас, кам; онда-сонда.
-
Чойхонада одам сийрак эди. С. Зуннунова, Янги директор
-
Бугун майдондаги арчалар кўзимга аввалгидан сийрак, катта кўриняпти. Ҳ. Назир, Сўнмас чироқлар
-
Бу оилада ҳар кун ширин-ширин овқатлар тайёрланади. Аммо меҳмон сийрак бўлади. Ойбек, Танланган асарлар
3. Кузи, тешиклари катта-катта.
-
Сийрак тўр. Сийрак элак кунда керак, Пахта элак ҳайитда керак. Мақол
4. Арқоқ-ўришларининг оралари очиқ-очиқ қилиб тўқилган.
-
Сийрак дока.
5. Унчалик зич бўлмаган, сийраклашган (газ, ҳаво ва шу кабилар ҳақида).
-
Сийрак булут.
-
Бу ер бўлса денгиз сатҳидан икки-уч минг метр баланд, ҳаво анча сийрак. С. Анорбоев, Оқсой
6. Кам учрайдиган, онда-сонда бўладиган.
-
Сийрак ҳодиса.
-
Ўчадиган чироқ ёниб ўчади, мақоли каби Туркистон хонларида сийрак кўрилган бу маъмуриятпарварлик бизга қолса шу омиллардан туғилган ва бунда самимий ҳеч нарса йўқ. А. Қодирий, Меҳробдан чаён
СИЙРАК сўзининг синонимларини Sinonim.uz сайтида қидириб кўринг.
SIYRAK сўзининг лотинча ёзилиши Lotin.uz сайти томонидан тақдим қилинган.
сийрак сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
