Izoh.uz сайтида сут сўзининг изоҳи ва маънолари

сут

Сўзни дўстлар
билан улашинг

от

1. Одам (аёл) ва сутемизувчи ҳайвонларнинг лактация даврида сут безларида ишлаб чиқариладиган, янги туғилган наслни озиқлантирадиган мураккаб кимёвий таркибли оқ рангдаги суюқлик.

Сут безлари. Бола йиғламаса, она сут бермайди. Мақол
Кўкрагимда сутим деб, Юрагимда ўтим деб, Энаси шўр йиғлайди, Қайдасан, Аҳмадим, деб. Ойсулув
Искандар елиннинг сўрғичдек учларидан тиз-тиз отилиб чиқиб, хурмага оппоқ ипдек пов-пов чўзилиб туша-ётган сутга ҳайрат билан тикилиб қолди. С. Нуров, Майсаларни аёз урмайди

2. Сигир, қўй, эчки ва шу кабилар чорва молларининг эмчагидан соғиб олинган шундай суюқлик (овқат ва маҳсулот сифатида).

Сигир сути. Ёғли сут. Сут саноати. Сут маҳсулотлари. Сутдан оғзи куйган қатиқни пуфлаб ичар. Мақол
Кечаги чоршанба бозорда бир сигир олдим денг, егани қуруқ хашаг-у сутига қошиқ ботмайди — шундоққина қаймоқ. Аския
Ошқозонда ҳазм бўлиб кетиши зарур бўлган дориларни сут билан ичиш мутлақо мумкин эмас. Фан ва турмуш

3. Баъзи ўсимликларнинг танаси, пояси ёки ҳосилидаги оқ суюқлик.

Семизўтнинг сути. Думбул жўхорининг сути,
Бир куни Файзулла билан сути қотган думбул ўрикларни териб олиб, жуфтми-тоқ ўйнаб ўтирсак, кўчада биров чақиргандай бўлди. С. Сиёев, Ёруғлик

сут сўзи қатнашган жумлалар:

Она сути оғзига келмоқ

Наинки сен, ишлайверсак, бизларнинг ҳам, бил, Оғзимизга келиб қолар она сутимиз. А. Орипов, Йиллар армони

Она сути оғзидан кетмаган

Ҳали ёш, турмушнинг аччиқ-чучугини, тажрибасини кўрмаган; гўдак.

Она сути оғзидан кетмаган бола.

Она сутидай ҳалол (ёки пок)

Оқ сутини оққа, кўк сутини кўкка соғмоқ

Сут билан кирган жон билан чиқади

Ёшликдан ўрганган одат ўла-ўлгунча сақланади, деган маънода ишлатиладиган матал.

Махдум Анварнинг бирор камбағал билан ёзилишиб ўтирганини кўрса сут билан кирган, жон билан чиқар, мақоли кўп тўғри сўз, деб ўйлар ва энсаси қотиб, четга кетар эди. А. Қодирий, Меҳробдан чаён

Сутдан оқ, сувдан тиниқ

Беғубор, пок, бегуноҳ одам ҳақида.

Хом сут эмган банда (ёки инсон)