тарқал
билан улашинг
1. Бир ўриндан, бир тўпдан турли томонга қараб йўналмоқ, кетмоқ.
-
Меҳмонлар тарқалди. Қўйлар ҳар томонга тарқалди.
-
Отабек эшикдан чиққанда, Содиқни кўмиб келган кишилар қуръон ўқиб, тарқалмоқда эдилар. А. Қодирий, Ўтган кунлар
2. Теварак-атрофга йўналмоқ; ёйилмоқ, сочилмоқ.
-
Муаттар ҳид бутун уйга тарқалди.
-
Қамалган тутун жуда секин тарқалмоқда эди. Йўлчи нафасини ростлаш учун эшикка чиқди. Ойбек, Танланган асарлар
-
Булар — булутлар, Эъзозхон! Шу булутлар тунда йиғилиб, кундуз тарқалиб турибди. Ҳ. Ғулом, Машъал
3. Жойларга, кишилар орасига кириб бормоқ.
-
Фақат ўтган асрнинг ўзидагина грипп эпидемияси тўққиз марта тарқалди. Фан ва турмуш
-
Кана — планетамизда кенг тарқалган жонивор. Фан ва турмуш
-
Маълумки, Эрон ва Ўрта Осиёда исломгача асосан оташпарастлик кенг тарқалган эди. ЎТА
4. Кишилар қулоғига етиб бормоқ, шу тарзда маълум-машҳур бўлмоқ; ёйилмоқ, билинмоқ.
-
У сарполарнинг овозаси бутун Тошкентга бўлмаса ҳам, шаҳарнинг ярмига тарқалган. Ойбек, Танланган асарлар
-
Бу халқда кенг тарқалган ашула эди. А. Мухтор, Опа-сингиллар
-
Олмос ботирнинг довруғи ҳамма ёққа тарқалибди. Олтин бешик
5. Урчимоқ, урчиб кўпаймоқ.
-
Бу жаллод жўжи-бўжи тухумидан тарқалганга ўхшайди Ойбек, Навоий
6. кўчма Аримоқ, ариб йўқ бўлмоқ; йўқолмоқ, кетмоқ.
-
Карахтлиги тарқалмоқ. Мастлиги тарқалмоқ.
-
Бош устида тутун тарқалар, гўё тутун эмас, аста-секин ҳасрат тарқалар эди. А. Мухтор, Опа-сингиллар
-
Уйқуси бутунлай тарқалиб кетгач, ўзини жуда тетик ва бардам сезди. Ф. Мусажонов, Ҳиммат
-
Лаълининг жунуни тарқалган бўлса ҳам, ҳали яхши соғайиб кетмаган. Ҳ. Ғулом, Машъал
ТАРҚАЛ сўзининг синонимларини Sinonim.uz сайтида қидириб кўринг.
TARQAL сўзининг лотинча ёзилиши Lotin.uz сайти томонидан тақдим қилинган.
тарқал сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
