тежа

1. Ортиқча сарфга йўл қўймасликка ҳаракат қилиб иш тутмоқ, аяш, тежам билан сарфламоқ.

1. Умиднинг қийинчилик билан катта бўлганини ҳамма биларди — кийимни яхши кийиши, пулни тежаши ҳам шундан. Мирмуҳсин, Умид

2. Малахов қанча аяб, тежаб отмасин, ўқи кутгандан тез тугаб борарди. Шуҳрат, Шинелли йиллар

3. Минутларни тежанг, ўтмасин дамлар Р. Бобожон

2. Исроф қилмаслик йўли билан орттирмоқ, ишлатмай, сарфламай қолдирмоқ.

1. Шундай бўлса ҳам, тушликка чиққанда, ярим соатгина вақтни тежаб, ошхонадан чиқди-ю, Ҳалим бобонинг боғига йўл олди. Ш. Рашидов, Бўрондан кучли

2. Ем-хашакдан моҳирона фойдаланиш туфайли чорвадорлар кўп миқдордаги донни тежаб қолдилар Газетадан

3. Кимсани ёки ўзини эҳтиёт қилмоқ, аямоқ, сақламоқ.

1. Болани ўз ҳолига ташлаб қўйиб бўлмайди, уни тежаб, тергаб туриш керак.

2. Қутидор қизининг пешонасини ушлади: — Эй, ҳа Кумуш, ҳали иссиғинг бор, — деди. — Ўзингни тежа, қизим, ўрнингни қалин қилиб, бурканиб ёт, терласанг — ёришасан, қизим! А. Қодирий, Ўтган кунлар