тенглаш

1. Бирор жиҳатдан, (масалан, мавқейи, ҳуқуқи, билими, ҳажми ва шу кабилар жиҳатидан) бошқа билан тенг, баравар бўлмоқ, бараварлашмоқ.

1. Кучлар тенглашди. Ўйинда ҳисоб тенглашди.

2. Бобур мирзо отдан тушганда, бўйи ўсиб, катта йигитларга тенглашиб қолгани билинди. П. Қодиров, Юлдузли тунлар

3. Умурзоқ ака қишлоқ тарафдан отни йўрғалатиб келиб, уларга тенглашиб олди. Ҳ. Назир, Сўнмас чақмоқлар

2. Кураш, баҳс ва шу кабиларда тенг бўлмоқ, тенг бўлишга ҳаракат қилмоқ.

1. — Узр айт, болам. Золим билан тенглашма! — деди чол. Ойбек, Танланган асарлар

2. Сиз билан тенглашиш келинимнинг итига ор, мушугига номус. С. Зуннунова, Янги директор