тикка
билан улашинг
1. Юқорига ёки пастга тик йўналган; тик, вертикал.
-
Тикка қоя. Тикка ўсган дарахт. Тутун тикка кўтарилмоқда. Найза ерга тикка санчилди.
-
Ариқ қазувчилар эртасига келиб қарасалар, тикка жар ўпирилиб тушиб, ариқлари кўмилиб, теп-текис бўлиб қолибди. С. Анорбоев, Оқсой
-
Қайнаб чиқар нефт булоқлари, Фонтан бўлиб отилар тикка. Ё. Мирзо
-
Қўрбоши кулиб юборди. Унинг амри билан полвон яна илгариги жойига келиб, чатаноғини кериб, тикка турди. А. Қаҳҳор, Кўр кўзнинг очилиши
2. Ердаги маълум нуқтага нисбатан вертикал йўналишдаги тепа жой.
-
Кулранг осмоннинг олис-олис бурчларида юлдузлар мил-тиллайди. Ҳов ана, тиккада ёрқин бир юлдуз — тонг юлдузи порламоқда. Ҳ. Ғулом, Сенга интиламан
-
У [Раҳим Саидов\ пастга тушди. Кун тиккага келган, кўча ёнарди. Ў. Умарбеков, Ёз ёмғири
3. Тўппа-тўғри йўналган; у ёқ-бу ёққа бурилмайдиган, оғмайдиган; адил, тўғри.
-
Узун ғиштин йўлка дарвозахонадан бошланиб, чорбоғни тикка кесиб ўтади. Ҳ. Ғулом, Бинафша атри
-
Мастон иланг-биланг йўлни қолдириб, мўлжалланган тепаликка қараб тикка йўл солди. А. Қаҳҳор, Мастон
4. кўчма Тап тортмасдан, қўрқмасдан; дадил, тик.
-
Бетига тикка айтмоқ. Тикка олишмоқ.
-
Ёвга қарши тикка босиб борганман. Т. Тўла
-
Нега сен менга тикка гапирадиган бўлиб қолдинг ? Мирмуҳсин, Умид
-
Бу гапни ғар ҳам кўтара олмас, тикка юлишар эди. А. Қаҳҳор, Қўшчинор чироқлари
тикка сўзи қатнашган жумлалар:
Тепа сочи тикка бўлмоқ
-
Туроб-жоннинг тепа сочи тикка бўлди: — Ҳай, сенинг димоғ-фироғинг кимга, хўш, нима дейсан? А. Қаҳҳор, Анор
ТИККА сўзининг синонимларини Sinonim.uz сайтида қидириб кўринг.
TIKKA сўзининг лотинча ёзилиши Lotin.uz сайти томонидан тақдим қилинган.
тикка сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
