тиканли

1. Тикани бор, тиканлар билан қопланган.

1. Тиканли дарахт. Тиканли ўсимлик.

2. Туялар олдига янтоқ ташланган ва улар игнадай тиканли бу хашакни, қари одамлар пашмак ҳолва егандай, осонлик билан ютмоқда. С. Айний, Қуллар

3. Тиканли симлар билан ўралган бу ям-яшил ўрмон этаги, бу оппоқ палаталарда кеча-ю кундуз азоб, ўлим. А. Мухтор, Чинор

2. кўчма Кишига қаттиқ ботадиган, озор берадиган; аччиқ, ёқимсиз (гап-сўз, муомала ҳақида).

1. Ҳусайн Бойқаро отда туриб, асирига бир неча аччиқ, тиканли сўзлар отди-да, қўли билан навкарларга олиб жўнанглар, деган ишорат қилди. Ойбек, Навоий

2. Рашиднинг гапи, гарчанд холис ва муҳокамали бўлса ҳам, нима учундир Элмуродга тиканли туюлди. Шуҳрат, Шинелли йиллар