Izoh.uz сайтида тоб сўзининг изоҳи ва маънолари

тоб

Сўзни дўстлар
билан улашинг

от

1. Киши организмининг ҳолати; соғлиқ.

Тобим яхши. Тоби дуруст эмас.
— Ота, тобингиз жойидами? — деб сўради йигит ташвишланиб. М. Исмоилий, Фарғона тонг отгунча

2. Меъёрига етиш, етилиш (етилганлик) даражаси, ҳолати.

— Ернинг тоби бундан ор-тиқ бўлмайди, — деди у синовчан назар билан ёнидагиларга қараб. Р. Файзий, Чўлга баҳор келди
Ҳосил мўл, тобида силос қилмасак, шираси камайиб, бурди кетади. Ф. Нуруллаев, Бўз йигит
Сайислар билади отнинг тобини. Эргаш Жуманбулбул ўғли

3. кўчма Хоҳиш-истак, майл, рағбат.

Ишга тобинг борми, жиян? Ойбек, Танланган асарлар
На ўқишга, на юмушга тоби йўқ, таъби нозик Гулдаста

4. Чидам, тоқат.

Тоб бермоқ.
Отангга берма азоб, Азобга қолмаган тоб. Ҳ. Олимжон

5. Тафт, дам.

Қорамтир, қўнғир, пушти булут карвонлари гўё қизил шуъла тобидан шарққа шошилиб қочар эди. П. Турсун, Ўқи-тувчи

6. шева Худди, нақ.

Сен опанг Жумагулнинг тоб ўзисан, лекин бир озгина фарқинг бор, холос. Ж. Шарипов, Хоразм

тоб сўзи қатнашган жумлалар:

Тоби айнимоқ (ёки қочмоқ)

ёхуд Тоби келишмаслик Соғлиғи салбий томонга ўзгармоқ, соғлиғи ёмонлашмоқ.

Шу кунда сал тобим айниб юрибди. Ўлиб-нетиб қолсам С. Аҳмад, Уфқ
Жиндай тобим келишмай қолди А. Мухтор, Бўронларда бордек ҳаловат
Ўриклар данак қотирганда тобим қочиб қолди. М. Мансуров, Ёмби
Бунинг олдидан кетолмай қолдим, ота, тоби йўқ. А. Мухтор, Чинор

Тобига етмоқ (ёки келмоқ)

Фойдаланиш, ишлатиш учун тайёр ҳолга етмоқ (келмоқ); етилмоқ.

Кечагина пахталари бодроқдай очилиб ётган далалар шудгордан кейин қор остида бўрсиллаб ётибди, тобига етаяпти. Газетадан
Сўфининг танларига бирдан ўт туташгандай бўлди. Бутун вужуди қизиган танурдай [тандирдай] тобига келган эди. Чўлпон, Кеча ва кундуз
Балиқ шўрва келди тобига чоғи, Дастурхонга чўкди овчилар шу чоқ. М. Икром, Балиқовида

Тоб бермоқ

Туриш бермоқ; чидамоқ.

Низомиддинов унинг ўтли қарашига тоб беролмай, аста-аста юриб, дарвозадан чиқди. С. Аҳмад, Ҳукм
Лаънатининг хотин олишга ихлоси баланд-у, катта чиқимга тоби йўқ. П. Турсун, Ўқи-тувчи

Тоб бермоқ

Тафтига (дамига) тутмоқ; тобламоқ (тобланмоқ).

Мана, кўз ўнгимизда қуёшнинг ҳаётбахш тафтига тоб бериб, кенг пичанзор водий ястаниб ётибди. Газетадан

Тоб ташламоқ

1. Айниб, қинғир-қий-шиқ, эгри-бугри бўлиб қолмоқ (асосан ҳўл ёғоч, эшик, ром ва шу кабилар ҳақида).

Эшик тоб ташлабди.
Дангаса меҳнат учун бермайди тоб, Офтобда ҳўл ёғоч ташлайди тоб. Ҳабибий
Икки зинадан кўтарилди. Тоб ташлаб, тахталарининг ораси очилиб қолган юпқа эшикка рўпара бўлди. С. Нуров, Нарвон

2. кўчма Айниб, лоқайд, суст бўлиб қолмоқ; путурдан кетмоқ.

Келдиёров уларни гап билан узиб олди: — От-улов баҳона, ўзларинг тоб ташлаб қолгансизлар. Муштум
Чол ҳали-бери тоб ташламасди. Кенжамиз аварияда нобуд бўлгандан сўнг синиб қолдилар. Н. Қобил

Тобга олмоқ

Тобига келтириш ҳа-ракатини қилмоқ; тобламоқ.

Шуйтиб қистаб йўл тортди, Тобга олиб Ғиротди. Эргаш Жуманбулбул ўғли

Шу тобда

Ҳозирнинг ўзида, шу вақтда.

Лекин шу тобда қизнинг бағрини бир нарса қаттиқ ўртади ва у ўкириб йиғлаб юборди. Ёшлик

ТОБ сўзининг синонимларини Sinonim.uz сайтида қидириб кўринг.

TOB сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

1255

Сўзнинг тескари ёзилиши

бот

Ҳарфлар сони

Кўришлар сони

1730

тоб сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

Жўқорғи Кенгес аччиқланиш аъзам аблаҳона Зулфияхоним аберрация аберрацион абсолют абадиян

тоб сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, тоб сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар