Izoh.uz сайтида турмуш сўзининг изоҳи ва маънолари

турмуш

Сўзни дўстлар
билан улашинг

от

1. Инсоннинг, миллат ва халқнинг яшаш, кун кечириш тарзи, кундалик ҳаёти.

Ёрқин турмуш. Фаровон турмуш кечирмоқ.
Яхши ишласак, ўз турмушимиз фаровон, юрт обод бўлади. Ойбек, Олтин водийдан шабадалар
Турмуш қаттиқчилигини татиб пишган Ботирали дунёда мўъжиза бўлмаслигини яхши билади. Ҳ. Ғулом, Машъал
Ўрмондаги турмушни ўз кўзинг билан кўриб турибсан. Ҳар бир қултум сув, ҳар бир бурда нон ҳисобли. И. Раҳим, Чин муҳаббат
Умарали қисқа вақт ичида ўз ҳаётида юз берган ўзгаришларни эслади, кейин Ғозининг бетайин турмушини кўз олдига келтирди. И. Раҳим, Ихлос

2. Бирор халқ, ижтимоий гуруҳ ва шу кабиларга хос ҳаёт тарзи, урф-одатлар, расм-таомиллар мажмуи.

Янги турмуш.
Гавҳарнинг қаршисида, боя ўзи ўйлагандек, олифта кийинишни яхши кўрадиган қиз эмас, кўпни кўрган, турмушнинг паст-у баланд сўқмоқларидан ўтиб келган инсон ўтирар эди. Ў. Ҳошимов, Қалбингга қулоқ сол
Айб сизда ҳам эмас, эски турмушда. Эски турмушда хотинлар ҳар қанақа эркакдан тортинади, эркаклар ҳар қанақа хотинга тегишгиси келади. А. Қаҳҳор, Қўшчинор чироқлари

3. флс. Жамиятнинг оддий ҳаёт шарт-шароитлари мажмуи, объектив реаллик.

Турмуш онгни белгилайди.
Қонунни турмушга сингдириб юборувчи асосий куч бизнинг ўқитувчиларимиздир. Газетадан

4. сўзлашув тили Никоҳ асосида юзага келадиган ҳаёт, эр-хотинлик ҳолати, шу ҳолатдаги ҳаёти.

Бегимхоннинг кўз олдида харита эмас, Эрали жонланди. Қандай тотли эди уларнинг турмуши! И. Раҳим, Чин муҳаббат
У турмуши омонат эканини, қачондир оиласи бузилишини кўпдан кўнгли сезиб юрар, аммо бунчалик шарманда бўлишини ўйламаган эди. Ў. Ҳошимов, Қалбингга қулоқ сол

5. Кишининг бутун борлиғи, бўлган-тургани.

Унинг турмуши шу.

турмуш сўзи қатнашган жумлалар:

Турмуш(и) бузилмоқ

Эр-хотинлик ҳолати ва шу ҳолатдаги ҳаёт барҳам топмоқ.

Агар шундай ташлаб қўйила берса ўртага совуқчилик тушади, оқибатда турмушлари бузилади. Р. Файзий, Чўлга баҳор келди

Турмуш ўртоғи

Эр-хотинлик ҳолатидаги шахснинг ҳар бири (эр ва хотин бир-бирига нисбатан).

Рустам уйига ширакайф келди. Бир оздан сўнг турмуш ўртоғи Шоҳиста ҳам ишдан қайтди. Газетадан

Турмуш қилмоқ

1. айнан Турмушга чиқмоқ.

Шу бола ўксимасин, деб турмуш қилмадим, нон заводига кириб ишлаб, ўғлимни ўқитишга киришдим. Муштум

2. Эр-хотинлик ҳо-латида яшамоқ.

Йигирма йил турмуш қилиб, бола кўрмадим. И. Раҳим, Чин муҳаббат
Бироқ найрангбоз Абдувоҳид Ҳурихон Сатторова билан ҳам силлиққина турмуш қилиб кета қолмади. Муштум

Турмуш қурмоқ

Она шўрлик йигирма икки ёшида бева қолиб, шу-шу турмуш қурмади. Ў. Усмонов, Сирли соҳил
Турмуш қурганига уч йил бўлибди-ю, ҳамон бу уйга кўникиб кетолмайди. Газетадан

Турмушга чиқмоқ

Эркак билан оила қурмоқ; эрга тегмоқ.

Қизларнинг эрки ўзида, севиб, синашиб турмушга чиқишади. Гулдаста
Тўртинчи синфга ўтганимда, онам ўзи билан мактабда ишлайдиган ўқитувчига турмушга чиқди. Ў. Ҳошимов, Қалбингга қулоқ сол

ТУРМУШ сўзининг синонимларини Sinonim.uz сайтида қидириб кўринг.

TURMUSH сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

8807

Сўзнинг тескари ёзилиши

шумрут

Ҳарфлар сони

Кўришлар сони

621

турмуш сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абадийлаштир абсолютизм аберрацион аббосий абстрактлаштирил Авесто абажур аччиқлаш абжад

турмуш сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, турмуш сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар