Izoh.uz сайтида умр сўзининг изоҳи ва маънолари

умр

Сўзни дўстлар
билан улашинг

от

1. Туғилгандан то ўлгунгача бўлган давр, яшаш муддати, шу муддат давомидаги ҳаёт, яшаш.

Узоқ умр кўрмоқ. Умрининг охири. Семиз қўйнинг умри калта. Мақол
Ҳазратим, мен мунгли қизингиз сизга худодан Шайх Саъдийнинг умрини тилабман! Илоҳим, юзга киринг! П. Қодиров, Юлдузли тунлар
саховатли Меъмор ҳазратларининг умрлари узоқ бўлиб, доимо сиҳат-саломат бўлсинлар, деб дуо қиларди. Мирмуҳсин, Меъмор
Шундай кўркам, доно, тадбирли хотиннинг умри эрсиз ўтиб кетаётганига баъзилар ачинса, баъзилар таажжубда эди. Ҳ. Шамс, Душман

2. Умуман, ҳаёт, яшаш.

Инсонга умр бир марта берилади. Ичкилик — умрнинг эгови. Соғлик — умрнинг гарови. Бировга ўлим тилагунча, ўзингга умр тила. Мақол

умр сўзи қатнашган жумлалар:

Бир умр

Умр давомида, умр бўйи.

Бойлик ботқоққа ўхшаган нарса. Домига бир тортса, бир умрга ғарқ бўлиб кетишинг турган гап. Ф. Мусажонов, Ҳиммат
Заргаров ҳам бир умр кутган А. Мухтор, Бўронларда бордек ҳаловат

Умр берса

Яшатса.

Худо умр берса, йўлинг ҳали олис. С. Сиёев, Ёруғлик

Умр бўйи

айнан Бир умр.

Суннатулло махсум умр бўйи савдо соҳасида ишласа ҳам ибратли ҳикоя ва шеърларни биладиган киши эди. Шукрулло, Жавоҳирлар сандиғи

Умр йўлдоши

Ушбуни кўрсатувчи Марасул Ҳузуржоновни тегишли умр йўлдоши ўртоқ Насибахон Асқарова билан тегишли дафтарингиздан ўтказиб А. Қаҳҳор, Оғриқ тишлар

Умр кечирмоқ

1. Умр ўтказмоқ, яшамоқ.

агар (одам) одам боласига ўхшаб умр кечираман деса, унга шунча кўп нарса керак бўлар экан!, — деб кулар эди. А. Қаҳҳор, Қўшчинор чироқлари

2. айнан Умр қилмоқ.

Бир хотин билан муҳаббатли умр кечирмоқ, менимча, энг маъқул иш. А. Қодирий, Ўтган кунлар

Умр кўрмоқ

Ҳаёт кечирмоқ, яшамоқ.

Узоқ умр кўриб, бахт-саодатли яшаётган кексаларимиз фаровон ҳаётимизга файз-тароват бағишлаб туришибди. Газетадан

Умр сурмоқ

Умр ўтказмоқ, яшамоқ (одатда, яхши, бахтли умрга нисбатан қўлланади).

Дунёда яхши умр сурдинг, ор-номусли, адолатли яшадинг Т. Обидов, Юсуфжон қизиқ

Умр қилмоқ

Эр-хотин бўлиб яшамоқ.

— Тенгинг эмас, қизим! Сенинг илминг катта, уники кичик. Умр қилиб кетолмайсизлар, — деди онаси Ҳуснияга. М. Исмоилий, Одамийлик қиссаси

Умри бино бўлиб

Ёдгор умри бино бўлиб баҳорнинг кириб келишини шу қадар диққат билан кузатмаган экан. Ў. Ҳошимов, Қалбингга қулоқ сол

Умри боқий

Доимий ҳаёт, йўқ бўлмайдиган.

Инсоният қалбини мунаввар этадиган эзгуликнинг — шеъриятнинг умри боқий экан, демак, шоир умри ҳам боқий. Газетадан
У баъзан Шоҳрухни дуо қилар, юртда тинчлик бўлса, умри боқий бинолар қуриб юришини ўйларди. Мирмуҳсин, Меъмор

Умри қисқа

Кўп яшамайди, узоққа бормайди, тез барҳам топади.

Туҳматнинг умри қисқа.

УМР сўзининг синонимларини Sinonim.uz сайтида қидириб кўринг.

UMR сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

4953

Сўзнинг тескари ёзилиши

рму

Ҳарфлар сони

Кўришлар сони

1440

умр сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абадийлик абжақ абзал аббосий Юпитер аббревиатура абжир абадийлаш абадият

умр сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, умр сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар