уруш

1. Қабилалар, давлатлар ёки ижтимоий гуруҳлар ўртасидаги уюшган қуролли кураш.

1. Фуқаролар уруши. Иккинчи жаҳон уруши.

2. Урушнинг иккинчи йили отаси армияга кетди-ю, қўлида ҳунари йўқ она икки бола билан қолди. П. Қодиров, Уч илдиз

3. Ҳар эшикда бир қайғу санқир, Қора уруш узоқ чўзилди. У. Қўчқоров, Ҳаяжонга кўмилган дунё

2. Томонлар ўртасида қуролли жанг, тўқнашув.

1. Аҳмаджон шериклари билан урушдан хийла узоқда дам олиб ётган бир қисмга келиб тушди. А. Қаҳҳор, Олтин юлдуз

2. Кечки соат тўртлар, асрдан бир оз эртароқ ҳукумат аскари билан халқ орасида уруш бошланди. А. Қодирий, Ўтган кунлар