узоқлаш

1. Бирор кимса ёки нарсадан нари (узоқ) кетмоқ; йироқлашмоқ.

1. Зайнаб орқасига қарай-қарай, Отабекдан узоқлашди. А. Қодирий, Ўтган кунлар

2. Чойхўрлар бирин-кетин ўринларидан туриб, Ойқизнинг кўзидан узоқлашишга шошилар эдилар. Ш. Рашидов, Бўрондан кучли

2. кўчма Қариндошлик, қадрдонлик, яқинлик алоқаларини сусайтирмоқ ёки йўқотмоқ; борди-келди қилмай қўймоқ; бегоналашмоқ.

1. У [Мирзакаримбой] ўз ичида ўйлади: Онасининг узоқлашиб кетган тоғасини йигит бекорга йўқлаб келадими? Ойбек, Танланган асарлар

2. Гавҳар бир нарсани тушунмасди: Одамлар ундан узоқлашяптими ё ўзи одамларга бегона бўлиб қоляптими? Ў. Ҳошимов, Қалбингга қулоқ сол

3. Равшан эса лаҳза сайин бегоналашиб, узоқлашиб борар, ёнига йўлатмасди. Ёшлик